«Chucky» arrestert i Mexico
«Demondukka» blei sett i handjern og fekk våpenet sitt konfiskert.
– Eg er den mest berykta seriemordaren i historia, og det kjem eg ikkje til å gi opp!
Slik lyder eit kjent sitat frå demondukka «Chucky» i filmen «Seed of Chucky».
Det var derfor grunn til uro då kjendisdukka blei observert med kniv under ei noko uvanleg politiutrykking i Monclava i Mexico kvelden 11. september. Det melder Reuters.
Demondukka «Chucky» og dukkeeigaren, identifisert som Carlos «N», blir bringa til politistasjonen og sett i handjern. Kniven kikar ut av kjeledressen.
Ein politibetjent held dukka i det knalloransje håret medan arrestasjonsbileta blir teke.
Eigaren skal ha brukt demondukka til å skremme folk og krevje pengar frå forbigåande, ifølge lokale medium.
Begge er sikta for å skape uro og sette folk sin integritet i fare.
Ein betjent på politistasjonen i Monclava ler medan ho løftar opp den lange kniven som blei konfiskert frå «Chucky». Ho blei seinare irettesett av meksikanske medium for å ikkje ta jobben sin på alvor.
Dukkeeigaren Carlos «N» blei lauslaten kort tid etter arrestasjonen. Det er ukjent kvar det demondukka blei av.
«Chucky» blei fyrste gong sett i 1988 i filmen «Child's Play.» Sidan den gong har dukka fått fleire filmar og blitt ein velkjent figur for mange.