Bleier - og ein sommarkjole.
Men mamma Olga (35) fekk ikkje med seg noko til seg sjølv.
15 par sokkar.
Men Evgeniy har fint lite anna.
Kva får du med deg når bombene haglar og du berre har nokre minutt på å pakke?
Krigens koffert
LVIV, UKRAINA (TV 2): Millionar av menneske har flykta frå heimane sine sidan Russland invaderte Ukraina 24. februar. Dei fleste har reist i all hast.
- Eg huska ikkje eingong tannkostane, seier Sasha (19).Ho ler og ristar på hovudet. Ho står utanfor togstasjonen i byen Lviv vest i Ukraina og hutrar. Gradestokken vakar rundt frysepunktet og den sure vinden følast som den bles heilt inntil beinet.- Eg tok ikkje med nokon kle til meg sjølv heller, berre til borna, seier ho, og gir sønnen Ivan (1) ein klem.Han er kledd i ein vinterdress som er så tjukk at han nesten ikkje kan bevege seg. Storesøster Sofia (2) står i sin ro