Nei - pipelyden kom ikke fra motoren...
Denne fargerike skapningen ble med på tur i tre mil.
Bilføraren vart overraska då fuglen framleis sat i grillen, tre mil etter samanstøyten.
Fleire sperra opp augane då dei kom på jobb utanfor avishuset Firda på Øyrane i Førde onsdag morgon.
Satt bom fast
Ein fargerik liten skapning sat nemleg bom fast i grillen på ein mørkeblå Toyota Avensis, som stod parkert på dei Firda-tilsette sin parkeringsplass.
Då bilførar vart kontakta og konfrontert med bilete av trafikkofferet vart vedkommande overraska.
Hardt møte
- Eg veit eg traff ein fugl som var litt for sein å kome seg ut av vegen, men at han skulle site i endå? Nei, det hadde eg ikkje trudd.
Det ulykksalege møtet mellom stasjonsvogn og fugl har etter alt å døme hendt på Bjørvikstranda i Gaular. Altså har fuglen site i grillen på ei strekning over tre mil.
Bilføraren skal seinare onsdag på planlagd service med bilen, og vittige kollegaer føreslo sjølvsagt at han måtte få bilverkstaden til å undersøkje «pipelydar frå motorområdet»...