Må betale 15 000 etter farlig forbikjøring
Skulle kjøre forbi kamerat - så gikk det galt.
Ein mann i starten av 30- åra frå Nordfjord må betale 10.000 kroner i bot og må punge ut med 5.000 kroner i sakskostnader etter at han blei hardt skadd i ei forbikøyring for nær to år sidan, skriver firda.no
Farleg forbikøyring
Mannen fekk bot etter ulykka grunna aktlaus køyring, men nordfjordingen nekta å godta denne. Difor hamna saka nyleg i Fjordane tingrett.
Det var den 13. september i 2008 at nordfjordingen og to kameratar la på hjul frå Esso-stasjonen på Byrkjelo i retning Flølo.
Og det var her det gjekk gale. Nordfjordingen gav full gass for å ta igjen kameraten som køyrde framfor seg, men forbikøyringa gjekk alt anna enn bra og i den krappe svingen i enden av langstrekkja ved Flølo, kom dei to bilane bort i kvarandre.
Omfattande skader
Nordfjordingen, som skal ha hatt svært høg fart, mista kontrollen over bilen, fekk skrens og bilen hamna på taket i grøfta.
Han fekk omfattande skader etter ulykka og blei frakta til sjukehus i luftambulanse.
- Kunne gått mykje verre
Påtalemakta konkluderte med at nordfjordingen handla uaktsamt og braut vegtrafikklova septemberdagen i 2008. Fjordane tingrett sa seg einig i dette då saka nyleg var oppe.
Retten meiner ulykka kunne fått langt meir alvorlege konsekvensar enn den gjorde.
Mannen blei også dømt til å vere utan lappen i fem månader, men sidan han har vore utan sertifikatet etter ulykka, har han oppfylt denne delen av straffa.