Det er i eit intervju med Dagsavisen laurdag han innrømmer det.

I eit portrettintervju spør avisa han om kva han svarar, heilt hypotetisk, om Jens Stoltenberg ringer i 2017 og vil ha han med på laget.

– Då svarar eg som Trygve Bratteli at eg ikkje svarar på hypotetiske spørsmål, seier han til avisa.

LES OGSÅ: Sønnen til Erik Solheim: – Pappa, du er sparka

– Det er ingen tvil om at eg har stor sympati for Arbeidarpartiet, for SV og for Miljøpartiet De Grønne. Arbeiderpartiet har mange gode leiarar og standpunkt og evne til å styra landet, men dei treng og inspirasjonen og trykket og ideane som SV på sitt beste har brakt inn, seier han vidare til avisa.

Erik Solheim har ei lang historie i Sosialistisk Venstreparti (SV), der han mellom anna var partileiar i ti år. Frå 2005 var han utviklingsminister, ei rolle han hadde fram til 2012.

Då valde partileiinga å byta han ut, noko han reagerte svært sterkt på.

LES OGSÅ: TV 2s politiske redaktør: – Solheim gikk av på en pompøs og uverdig måte

Men Solheim er framleis medlem i SV, innrømmer han overfor avisa. Men han vil ikkje ut med om han kjem til å stemma på partiet ved Stortingsvalet 2013.

FRAMLEIS SV-MEDLEM: Solheim har ikkje skifta parti enno. Men avviser ikkje å gjera det. Det kjem fram i eit intervju med Dagsavisen. (Foto: Håkon Mosvold Larsen / Scanpix)