SIKRET LEILIGHETEN: Politiet jobbet lenge med å sikre leiligheten til Holmes. Naboene som ble avakuert har nå begynt å returnere.  (Foto: Ed Andrieski/Ap)
SIKRET LEILIGHETEN: Politiet jobbet lenge med å sikre leiligheten til Holmes. Naboene som ble avakuert har nå begynt å returnere. (Foto: Ed Andrieski/Ap)

Vert stoppa av bombefeller: Politiet kjem seg ikkje inn i leiligheita til skytaren

– Det kan ta fleire dagar før me kjem oss inn

Det seier politisjef Dan Oates på ein pressekonferanse, rundt klokka 16.45, norsk tid.

– Me prøvar no å finna ein metode for å komma oss inn i leilegheita, og komma oss forbi dei eksplosive eller brannfarlige bomber, seier han.

– Dei ser sofistikerte ut, legg han til.

LES OGSÅ: Baby (3 mnd) utskrevet frå sjukehus etter kinoskytinga

Han seier at dei ikkje veit om det tek timar eller dagar før dei kjem seg inn i leilegheita.

BOMBEROBOT: Politiet brukte ein bomberobot for å sjekka bilen til Holmes for bomber. Der fann dei ingen, men i leiligheita hans har dei oppdaga bombefeller.  (Foto: REUTERS/Evan Semon )
BOMBEROBOT: Politiet brukte ein bomberobot for å sjekka bilen til Holmes for bomber. Der fann dei ingen, men i leiligheita hans har dei oppdaga bombefeller. (Foto: REUTERS/Evan Semon )

Leilegheita ligg i tredje etasje i ei lågblokk, og er vendt ut mot bakgarden.

Politiet har evakuert fem bygg, for å vera på den sikre sida.

– Me vil inn i leilegheita for å sikra oss bevis, seier Oates.

Saman med FBI og brannvesenet hadde dei ein kort pressekonferanse nyleg.

LES OGSÅ: Hva fikk James Holmes til å begå kinomassakren?

Visebrannsjef Cris Henderson seier til 9NEWS at det er snakk om fleire flasker med flytande innhald som er plassert på strategiske plassar i leiligheita.

– I tillegg er det snakk om fleire eksplosivar. Alt saman er knytt saman, seier han.

Bygget er sjekka fleire gonger, for dei vil vera heilt sikkre på at det ikkje er folk igjen i bygget.

– Når me er heilt sikre, sender me inn ein bomberobot, seier brannsjefen.

Han seier at dei er heilt sikre på at sprengstoffet er plassert ut heilt bevisst.

– Det er snakk om fleire brusflasker, storleiken er rundt ein liter, seier Henderson til 9NEWS.

– Me er førebudd på at dette kan ta fleire dagar, legg han til.

Minst 62 personar vart skotne då James Holmes (24) gjekk inn i ein kinosal under premiera på den nyaste Batman-filmen og byrja å fyra laus mot forsvarslause kinogjengarar. Han trefte minst 62 personar, den yngste ein baby på berre tre månader.

Førebels er tolv personar stadfesta drepen og 50 personar er skadd.

9News melder at det er minst 13 personar som framleis er kritisk skadd rundt om på sjukehusa i Denver.

James Holmes vart arrestert på utsida av bilen sin, som stod parkert på parkeringsplassen utanfor kinokomplekset han nett hadde gjennomført ein skytemassakre.

LES OGSÅ: – Det var skyting i filmen, da hørte vi et virkelig skudd

Han skal ha stått heilt roleg, medan han hadde på seg mellom anna gassmaske og ein skotsikker vest.

Då politiet nærma seg han, sa han at både bilen og leilegheita hans var utstyrt med eksplosiv.

Det viste seg raskt at det ikkje stemte for bilen sin del. Men leilegheita er altså full av bombefeller.

James Holmes kom inn ei dør nede i kinosalen, før han kasta to boksar med tåregass, før han byrja å fyra laus.

Han skal ha brukt minst fire våpen.

Skyteepisoden er den verste i USA sidan april 2007, då ein mann gjekk berserk på Virginia Tech.

Saka vert oppdatert