HISTORISK: For fyrste gong var det på laurdag inngått homofilt partnarskap på ein amerikansk militærbase. Det kjem ikkje til å skje med det fyrste i Noreg.  (Foto: Scanpix)
HISTORISK: For fyrste gong var det på laurdag inngått homofilt partnarskap på ein amerikansk militærbase. Det kjem ikkje til å skje med det fyrste i Noreg. (Foto: Scanpix)

Homobryllaup lov i det amerikanske forsvaret - forbode i Noreg

For fyrste gong var det på laurdag inngått homofilt partnarskap på ein amerikansk militærbase. Men i Noreg kan vi sjå langt etter dei samme rettane.

Denne artikkelen er over ett år gammel, og kan inneholde utdatert informasjon.

Ein soldat i det amerikanske luftvåpenet inngjekk partnarskap på ein amerikansk militærbase i helga.

Sersjant Erwynn Umali inngjekk partnarskap med Will Behrens på den gigantiske militærbasen Joint Base McGuire-Dix-Lakehurst i New Jersey, der Umali er utstasjonert.

Når det gjeld homofile ekteskap på militæra basar i Noreg, er svaret nei

– Historisk dag for USA

– Me er æra over å vera ein del av dette historiske augneblinken ved å væra det fyrste homofile paret som får inngå partnarskap på ein militærbase, seier paret i ei felles uttaling etter hendinga.

– Me håpar at me kan vera eit førebilete for andre homofile og transpersonar som kjemper for retten sin til å inngå partnarskap, seier dei vidare.

LES OGSÅ: Obama refser presidentkandidater som ikke støttet homofil soldat

– Vil ha homo-bryllaup i Noreg

Bård Nylund, leiar i Landsforeininga for lesbiske, homofile, bifile og transpersonar, tykkjer det amerikanske partnarskapet er ein fin ting.

– Det er ikkje så lenge sidan forbodet mot homofile i forsva

OPNAR: Her opnar president Barack Obama for homofile i Det amerikanske forsvaret. Krigshelt og homo Eric Alva står bak presidenten og bivånar den historiske hendinga. (Foto: Scanpix)
OPNAR: Her opnar president Barack Obama for homofile i Det amerikanske forsvaret. Krigshelt og homo Eric Alva står bak presidenten og bivånar den historiske hendinga. (Foto: Scanpix)
ret vart oppheva, så dette er ei stadfesting på at det er greitt å vera homofil i det amerikanske forsvaret, seier han til tv2.no.

LES OGSÅ: Hæren sparket elleve homofile soldater

No håpar han på noko liknande i Noreg.

– No håpar eg på eit skikkeleg homo-bryllaup i militær kontekst i Noreg og, seier han.

Men den draumen må han sjå langt etter.

Får ikkje lov

– Når det gjeld homofile ekteskap på militæra basar i Noreg, er svaret nei, seier Alf Petter Hagesæter, som er den øvste geistlige leiaren i det norske forsvaret.

Heterofile par har lov å gifta seg i ei av Forsvarets tre kyrkjer i Noreg, eller i eit av dei mange kapella dei har. Men homofile må altså sjå langt etter den draumen.

– Årsaka er at feltprestkorpsets verksemd er styrt av Den norske kyrkjas orden. Difor kan ikkje militære eller sivile prestar vigsla homofile par, seier han.

LES OGSÅ: Obama gir toppjobb til kjønnsoperert

Han seier at dei er avhengig av ein ny liturgi i kyrkja, før dei kan tillata det.

IKKJE ENNO: Det er framleis ei stund til feltprest Fredrik Øverland og dei andre feltprestane i Det norske forsvaret må viglsa homofile i Forsvaret. Her frå ei feltgudsteneste i Sør-Varanger.  (Foto: Forsvarets mediesenter/ Torbjørn Kjosvold)
IKKJE ENNO: Det er framleis ei stund til feltprest Fredrik Øverland og dei andre feltprestane i Det norske forsvaret må viglsa homofile i Forsvaret. Her frå ei feltgudsteneste i Sør-Varanger. (Foto: Forsvarets mediesenter/ Torbjørn Kjosvold)

– Det er noko kyrkja jobbar med, og eit forslag til ny liturgi skal vera klart til hausten, seier Hagesæter.

Han peikar og på at Forsvarets prestar ikkje har vigselrett, men at dei må henta inn tillating frå den lokale presten.

Det norske forsvaret har rundt 60 feltprestar.

– Om kyrkja skulle opna for homofile ekteskap, vil då forsvaret og opna for det?

– Ja, men det vil vera opp til prestane. Nokon vil vera positive, medan andre nok vil vera restriktive, seier han til tv2.no.

Opnar for andre religionar

Hagesæter seier det er umogleg å tidfesta når det vil vera mogleg for norske homofile å gifta seg i Forsvaret.

– Er det mogleg for andre religionar å gifta seg i Forsvaret?

– Me har få spørsmål om det, men etter Grunnlovsendringa 21. mai jobbar me no med å opna for andre trus og kyrkjesamfunn, seier han.

LES OGSÅ: Kan gjeninnføre homoforbud i det amerikanske forsvaret

Nylund i LLH er skuffa over svaret frå Forsvaret.

– Dette er nok eit døme på at kyrkja ikkje tek på alvor at det er prestar som vil vigsla homofile par, seier Nylund.

– Eg tykkjer det er på tide at kyrkja gjer det mogleg for dei som vil vigsla homofile par, å faktisk gjera det, seier han.

SKUFFA: - Det er på tide med eit ekte homo-bryllaup i Det norske forsvaret no, seier Bård Nylund. Han er skuffa over svaret frå Den norske kyrkja.  (Foto: TV 2)
SKUFFA: - Det er på tide med eit ekte homo-bryllaup i Det norske forsvaret no, seier Bård Nylund. Han er skuffa over svaret frå Den norske kyrkja. (Foto: TV 2)

– Historisk dag for USA

Blant gjestene var Eric Alva, den fyrste amerikanske soldaten som vart alvorleg skadd i Irak. Han har seinare stått fram som homofil, og har vore en føregangsfigur i kampen for å gje dei homofile betre vilkår i Forsvaret.

– Det var ei æra for meg å vera tilstades her. Ei historisk hending som dette visar at saka har framgang, seier han til nyhendebyrået AP.

Alva reiser no USA rundt for å promotera like rettar for homofile og transpersonar.

LES OGSÅ: Endelig fikk løytnanten Gary gifte seg med Dan

Kaptein i Luftvåpenet Ryan Quinn seier han var forbløffa over kor vakker seremonien var.

– Dette er verkjeleg ei viktig hending, og eg er glad for at eg fekk vera tilstades med paret og familiane deira, seier han.

– Når eg ser på støtta som dei har fått frå folk på basen her og i forsvaret generelt, vert eg stolt over å tenestegjera i Luftforsvaret, seier han.

– Dette var ein historisk dag for USA, seier Fred Sainz, gjest i bryllaupet til CBS.