HER TRAFF FLYET: Den raude pila visar kvar Hercules-flyet traff fjellet. Kjentmann Erik Sarri var med på leitinga, med livet som innsats.  (Foto: TV 2/Svensk politi)
HER TRAFF FLYET: Den raude pila visar kvar Hercules-flyet traff fjellet. Kjentmann Erik Sarri var med på leitinga, med livet som innsats. (Foto: TV 2/Svensk politi)

Hercules-ulykka: Erik Sarri leita med livet som innsats

Stemninga er trykka etter at det vart klart at dei fem norske offiserane er omkomne. Det seier Erik Sarri, ein av dei lokalkjente redningspersonane.

– I byrjinga trudde eg dette berre var ei dårleg øving, men når ein fekk sjå vrakdelane byrja ein å skjønna at dette kanskje ikkje gjekk så bra likevel, seier Erik Sarri frå Nikkaluokta. Han er kjentmann i området. Han har vore med dei norske styrkane i leitinga.

– Sjølv ein person som sit på ein scooter og er godt kledd slit i dette området, peikar han på.

Med livet som innsats

– Har de dradd grensene litt langt nokre gonger, i høve til kva som er forsvarleg?

– Eg har budd her heile mitt liv, og brukt mykje tid i fjellet. Men eg har aldri opplevd vore ute i så mykje dårleg vêr som dei siste dagane, så me har nok vore på feil sida av grensa nokre gonger. Men me ville leita vidare, fortel han.

LES OGSÅ: Havarikommisjonen: – Flyet var berre få meter unna å komma seg over fjellet

– Så dette var med livet som innsats?

– På grensa i alle fall, innrømmer han.

hercules (Foto: Forsvaret)

Han seier at sjølv om han ikkje kjente dei som han leita etter, har han fått ein relasjon til dei gjennom leitinga.

– Blir berre oss og vraket igjen

– Alle pratar om dette, og etter at det vart kjent at dei er døde har det vore ein trykt stemming her. Me kjenner sorg, seier han.

LES OGSÅ: – For enkelte går det nå fra håp til håpløshet

– Det vert tøft på måndag når kvardagen kjem, seier han.

– Då er det berre oss og deler av vraket igjen her, sluttar han.

hercules (Foto: Forsvaret)

TV 2s reporter kallar det ein ettertanke-stemning i den vesle bygda Nikkaluokta som har vore utgangspunktet for leiteaksjonen.

Klokka 13.00 kjem det til å vera eit minutts stillheit i bygda.

– Det er kjempeviktig for oss å visa vår deltakelse her. Alle er velkomne og alle som vil seia noko skal få lov til det, seier Börje Öhman frå det lokale politiet.

Kroppane til dei omkomne kjem til å verta transportert med helikopter til Kiruna, og deretter frakta med bil til Umeå for identifisering.

– Heile reisa skal skje med verdighet.