Utøya (Foto: Scanpix)
Utøya (Foto: Scanpix)

Utøya-angrepet: Tidenes verste skytemassakre

Massakren på Utøya er den verste massakren utført i fredstid, nokon stad i verda. Til no er det fleire drepte enn Virginia Tech og Columbine til saman.

Denne artikkelen er over ett år gammel, og kan inneholde utdatert informasjon.

Den ufattelege tragedien på Utøya er ei av dei verste sakene gjennom historia.

Seung-Hui Cho Virginia Tech. (Foto: AP Photo/Virginia State Police/AP)

Truleg er dette den verste skytemassakren utført av ein mann åleine i fredstid, nokon gong, nokon stad på jorda.

Førebelse tal seier at 84 unge menneske er skotne og drepne på Utøya, men politiet utelukkar ikkje at tala vil stiga ytterlegare utover laurdag.

32 drept i Virginia

I tillegg mista sju menneske livet etter at ei bombe gjekk av i regjeringskvartalet i Oslo, berre nokre timar før den forferdelege skytetragedien på Utøya. Same gjerningsmann står truleg bak begge ugjerningane.

LES OGSÅ: Anders Behring Breivik (32) i Oslo ble pågrepet etter bombe og massedrap

Ei av dei mest kjente skytetragediane dei siste åra er angrepet på universitetet Virginia Tech i 2007.

Den 23 år gamle sørkoreanske studenten Seung-Hui Cho gjekk amok på skulen Virginia Polytechnic Institute and State University.

Saka held fram under biletet

usladd (Foto: Privat)

Han tok livet av i alt 32 menneske og skada 61 i det som til no er den blodigaste skyteepisoden i USAs sivile historie.

Årsaken til massaren er ikkje kjent.

Seung-Hui Cho tok sitt eige liv etterpå.

Ei av dei mest kjente skyteepisodane nokon gong, var på Colombine high school. Der mista 13 menneske livet.

Drap 36 i Australia

I 1984 gjekk James Huberty inn i ein McDonald's restaurant i San Diego, California. Der fyrte han av 257 skot, og tok livet av 21 menneske. Ofra var i alderen åtte til 74 år.

I april 1996 gjekk Martin Bryant berserk i Port Arthur i Australia. Der tok han livet av 36 menneske i løpet av nokre timar. Bryant sette seg på ein kafé og åt eit måltid. Etter at han var ferdig gjekk han bak i kafeen og sette opp eit kamera på eit bord.

Saka held fram under biletet

Martin Bryant Massakre (Foto: TORSTEN BLACKWOOD/AFP)

Deretter tok han fram eit automatvåpen og fyrte laus. Før han var ferdig hadde 36 menneske mista livet, inkludert fleire born.

Mellom anna køyrde han forbi ei mor og to born. Han skaut og drap mora og bornet ho bar på. Den største jenta klarte å springa vekk, men Bryant fann ho og skaut ho.

LES OGSÅ: – Minst 80 drept på Utøya

Den verste skytemassakren før den grufulle episoden på Utøya vart utført av Woo Bum-kon i Sør Korea i april 1982.

Politimannen tok livet av 57 menneske og skada 35 andre, før han tok livet av seg sjølv med ei handgranat.

Bum-kon gjekk på jobb som normalt, men byrja å drikka på jobb.

Skaut gut som henta brus til han

Utan at nokon merka det, klarte han etterkvart å få med seg to rifler og fleire handgranatar. Han herja i fleire timar, i til saman fem landsbyar.

Mellom anna tvang han ein 16 år gammal gut til å henta ei brus til seg.

LES OGSÅ: – Han prøvde å lokke oss til å komme tilbake

Når han hadde gjort det, skaut han guten.

Når politiet til slutt klarte å sirkla han inn, festa han fleire handgranatar på kroppen sin, og heldt ein familie som gissel.

Finland råka to gonger

Før politiet klarte å ta Bum-kon sprengte han seg sjølv og to andre i lufta.

Finland har opplevd to skytemassakrar dei siste åra.

LES OGSÅ: Her er de verste skolemassakrene

I 2007 gjekk Pekka-Eric Auvinen (18) inn på Jokela skule i Finland og skaut og drap åtte menneske før han tok sitt eige liv.

Året etter drap Matti Juhani Saari (22) ni elevar og ein lærar før han tok livet av seg sjølv på skulen sin i Kauhajoki i Finland.

HER ER WIKIPEDIAS LISTE OVER DE VERSTE DRAPSTRAGEDIENE.

Under andre verdskrig var det fleire tragediar i Noreg, men sjølv reine henrettingar som i Telavåg og Arnøy i Troms er ikkje i nærleiken av dei ufattelege dimmensjonane på Utøya.

Pekka-Eric Auvinen Matti Juhani Saari Massakre (Foto: HO/AFP)