James Murdoch Rupert Murdoch (Foto: PA/Pa Photos)
James Murdoch Rupert Murdoch (Foto: PA/Pa Photos)

Rupert Murdoch nekter å ta ansvar i telefonhackingskandalen

Rupert Murdoch er heilt sikker på at han ikkje har noko som helst ansvar i telefonhackingsskandalen. – Det er dei eg tilsette som har ansvaret, seier han.

– Tar du ansvar i denne saka?, var spørsmålet frå parlamentsmedlemmet Jim Sheridan.

– Nei!, var det kontante svaret frå Rupert Murdoch

Gjer dei tilsette skulda

– Kven er det då som har ansvar i denne saka?

LES OGSÅ: Norsk ekspert om hackingskandalen: – Cameron forsøker hele tiden å gjemme seg

– Dei folka eg stolte på og dei som dei igjen stolte på, svarar den eldste Murdoch.

Høyringa i mediekomiteen i det britiske Underhuset starta 15.30 for å svara for seg i telefonavlyttingsskandalen som vert bretta ut i Storbritannia i desse dagar. Fyrst ut var far og son Murdoch.

– Sjokkerte og rysta over NOTW

Rupert Murdoch seier at han er skamfull over måten avisa har jobba på.

LES OGSÅ: Eks-redaktør Rebekah Brooks pågrepet etter hackingskandalen

Kvifor stengte du ned News of the World? Var det på grunn av den kriminelle aktiviteten avisa var involvert i?

– Nei, me la ned avisa på grunn av at me var sjokka, skamfulle og rysta over kva som har skjedd, svarar Rupert Murdoch.

Murdoch sel stadig færre aviser. Sjå video her! Saka held fram under videovindauga

535156

Høyringa opna med at fleire rasande demonstrantar byrja å ropa og skrika, og måtte eskorterast ut av lokala før dei to blada Murdoch fekk setja i gang med å svara for seg.

Det er lite med Rupert Murdoch som minner om ein mektig mediemogul. Fleire gonger kan han ikkje svara, han viser til sonen sin på fleire spørsmål. Sonen svarar til tider veldig vagt

– Lever ikkje opp til våre standarar

– La meg seia ein ting, eg er veldig lei meg på vegne av ofra i denne saka og familiane deira. Dess handlingane lever ikkje opp til våre standarar, understrekar Murdoch.

Fleire gonger spurte komitemedlemmane om Rupert Murdoch visste om ting som hadde skjedd i selskapet. Mellom anna om utbetalingar i millionklassen for å komma til einigheit i telefonhackingsaker.

– News of the World er mindre enn ein prosent av konsernet mitt som har over 53.000 tilsette, svara han.

Den yngre Murdoch sa han var overraska og sjokka over at selskapet hans betalte advokathonorar for kongereportaren Clive Goodman, som vart fengsla i 2007 for avlytting av talepostmeldingar til kongelige hjelparar

Murdoch fortalte han var ikkje var klar over at utbetalingane var gjort til den tidlegare News of the World-reportaren, og han var ikkje sikker på kven som utkvittert på betalingar.

Han sa og at selskapet i utgangspunktet ikkje undersøkte den påståtte telefonhackinga i 2007 fordi politiet hadde sagt at saken var avslutta.

Men når stadig fleire bevis dukka opp kontakta selskapet politiet og "gjorde det rette."

Far og son nekta og for at nokon av redaktørane hans visste om hackinga i 2007 eller no.

– Eg har ingen kjennskap om det og det er ikkje bevis som seier at Rebekah Brooks, Les Hinton eller nokon andre visste om hackinga. Men oppseiingane deira vart aksepterte, men så langt eg veit, veit ikkje dei noko om hackinga, understreka pappa Murdoch

Brukte bakdøra inn til statsministerbustaden

Den yngre Murdoch seier selskapet handla så raskt og transparent som mulig. Rupert Murdoch erkjente imidlertid at han ikkje etterforska etter Murdochs tidlegare avissjef, Rebekka Brooks, fortalte parlamentet for fleire år sida at News of the World har betalt politibetjentar for informasjon.

Når han vart spurt kvifor det var inga etterforsking, sa han:

– Eg visste ikke noko om det, seier han.

Det vart og tatt opp av parlamentsmedlem Jim Sheridan at Rupert Murdoch brukte bakdøra inn til statsministerens bustad i London.

– Eg gjorde det fordi eg vart bedt om det. Sikkert for å unngå fotografering, kva veit eg? Eg vart invitert på te for å bli takka av David Cameron for å bli takka for støtta under valkampen, svara han.

Trur ikkje at dei avlytta terrorofre

– Eg har reist inn bakdøra til nr 10 mange gonger, la han til.

James Murdoch seier at dei journalistane og tilsette i News of the World som ikkje er involvert i telefonhackingsaka skal få nye jobbar andre plassar i konsernet til Murdoch.

Han fortalte og den parlamentariske komitéen at det var ingen teikn til at avisa hans hacka telefonar til 9 / 11 ofre, som er ein nøkkelpåstand som FBI etterforskar og som kan trua hans amerikanske operasjonar

– Men om det viser seg at det stemmer, vil de starta ei etterforsking?

– Ja, det vil me, svarar han.

Det siste Murdoch sa var at dette var den mest audmjuke dagen i hans liv. Han avslutta og med ei erklæring.

– Eg skulle ønska me såg problema tidlegare og fiksa dei før. Når to personar vart sendt i fengsel i 2007 trudde eg det var over. Eg er sikker på at når James byrja i News corp. i 2007 trudde han det same, sa han og la til:

Vil gjennopprette tilliten til media

– Denne nasjonen har gitt dette selskapet og mine tilsette fleire moglegheite. Og eg håpar vårt bidrag ein gong vert anerkjent, sa han.

han sa at no ville dei jobba for å gjennoppretta tilliten til selskapa hans og til all britisk journalistikk.

– Eg skal gjera det eg kan for at det skjer, slutta han med.

Høyringa med Murdoch er no ferdig. Neste person ut er Rebekah Brooks, tidlegare sjefsredaktør i selskapet.