GROOVY: Videoen av den russiske presidenten har fått mye oppmerksomhet etter at den ble lagt ut på internett. (Foto: Skjermdump (Youtube))
GROOVY: Videoen av den russiske presidenten har fått mye oppmerksomhet etter at den ble lagt ut på internett. (Foto: Skjermdump (Youtube))

Presidenten slo seg løs til discomusikk

Den russiske presidenten er no vorte ein Youtube-hit etter noko stiv dansing. Sjå filmen her!

Ra ra Rasputin var ikkje songen som Russlands president Dmitry Medvedev rista laus etter, men i staden var det ein song frå nittitalet dei fleste ikkje hugsar, «American Boy».

Presidenten var på klassefest

Den dresskledde presidenten byrjar roleg med å riste litt på hoftene og bevega beina før han snur seg og byrjar å slenga armane frå side til side og dra nokre Pulp Fiction-liknande rørsler.

Dei lite flatterande rørslene kjem berre dagar etter at hans forgjengar i presidentstolen, og han som vert rekna som den som dreg i alle trådar i Russland Vladimir Putin, viste fram litt meir talent på hockeybanen.

LES OGSÅ: Putin svinger kølla

Videoen skal vera henta frå ein klassefest som Medvedev deltok på for rundt eit år sidan, skriv Reuters.

Berre timar etter at dansevideoen kom på nettet var det alt kome inn nærare 300 kommentarar i kommentarfeltet, ikkje alle var like positive.

– Det ser ut som om han har svelgt ein stokk, kommenterer ein sjåar.

– Du dansar som far min. Takk for at du fekk meg i godt humør, skriv Twitter-brukaren Stacey Uliss, som kallar seg Halfblood_Uliss.

Artikkelen fortsetter under videoen.

Svaret til Medvedev er sprekare enn dansinga hans.

– Dansinga er nok forhistorisk

– Aldersmessig kan truleg det stemma, skriv han og antydar at både songen og dansen er noko utdatert.

Dmitry Medvedev Natalya Timakova (Foto: DMITRY ASTAKHOV/Afp)
Dmitry Medvedev Natalya Timakova (Foto: DMITRY ASTAKHOV/Afp)

– Me var på ein fest med tidlegare klassekameratar for eit år sidan. Dansen og songen er noko frå fortida, skriv han.

Songen var ein stor hit i Russland på 1990-talet, der teksten som handlar om å flykta med ein utlending trefte ei nerve i det prøva russiske samfunnet.

Ei talskvinne i Kreml tek ikkje videoen med like godt humør som Medvedev.

Manglande respekt for privatlivet

– Videoen er truleg posta av nokon som var på festen. Det visar ein manglande respekt for privatlivet, seier Natalya Timakova.

Det er presidentval i Russland neste år, og det er framleis ikkje avgjort om Medvedev får lov til å gå for ein periode til, eller om Vladimir Putin skal gå for ein tredje periode som president i landet.