DUMPA I BOSSPANN: 3 år gamle Joan hadde vore sakna sidan sist onsdag då han måndag blei funnen på denne søppelfyllinga i Valencia. (Foto: Tele 5)
DUMPA I BOSSPANN: 3 år gamle Joan hadde vore sakna sidan sist onsdag då han måndag blei funnen på denne søppelfyllinga i Valencia. (Foto: Tele 5)

Sakna gut (3) funnen død på søppelfylling

To kvinner som sat barnevakt, har fortalt at dei etter ei ulykke la guten i ein søppelcontainar i gata.

Denne artikkelen er over ett år gammel, og kan inneholde utdatert informasjon.

Spansk politi fann måndag kveld leivningane av ein tre år gamal gut, som har vore sakna i Valencia. Guten har vore sakna sidan førre onsdag, då han blei passa på av to kvinner, veninner av mor til guten.

Sklei i dusjen

Etter å ha søkt gjennom store mengder søppel, fann politiet leivningane av treåringen, Joan David, på ei søppelfylling.

Kvinnene som passa guten, gav fyrst ulike forklaringar om kva som hadde skjedd, men innrømma til slutt at guten hadde sklidd i dusjen og slått hovudet.

FUNNEN DØD: Joan David har vore sakna sidan sist onsdag. (Foto: Tele 5)
FUNNEN DØD: Joan David har vore sakna sidan sist onsdag. (Foto: Tele 5)

Dei to kvinnene, begge i 20-åra, bestemte seg for å leggja den døde guten i ein søppelcontainer i gate, ifølgje den spanske tv-kanalen Tele 5.

Deretter er liket blitt transportert til søppelfyllinga.

LES OGSÅ: Bortførte barn funnet i live i USA

Leita gjennom 300 tonn søppel

Svært store mengder søppel blei søkt gjennom før det gav resultat. På fyllinga Dos Aguas er det kring 700 tonn søppel, og politiet skal ha søkt gjennom så mykje som 300 tonn boss, før dei fann leivningane av treåringen.

LA HAN I CONTAINAR: To kvinner som sat barnevakt for 3-åringen, kvitta seg med han då han sklei i dusjen og slo hovudet. (Foto: Tele 5)
LA HAN I CONTAINAR: To kvinner som sat barnevakt for 3-åringen, kvitta seg med han då han sklei i dusjen og slo hovudet. (Foto: Tele 5)

Hundar, spesialtrena til å sniffa seg fram til kadavar, var henta frå Madrid i søket etter den sakna guten.

Ifølgje Tele 5 trudde mor til guten inntil det siste at sonen hadde blitt kidnappa og seld.

Både mora, og dei to kvinnene som passa barnet er opphavleg frå Bolivia.