OMKOM: Det var Dan Vigbjørn Larsen som mista livet i eksplosjonen. (Foto: TV 2)
OMKOM: Det var Dan Vigbjørn Larsen som mista livet i eksplosjonen. (Foto: TV 2)

Namnet på den omkomne er frigjeve

Politiet konkluderar no med at faren er over i Fredrikstad.

Denne artikkelen er over ett år gammel, og kan inneholde utdatert informasjon.

Det var den 62 år gamle Dan Vigbjørn Larsen frå Lunner kommune som mista livet i eksplosjonen i Fredriktstad, måndag ettermiddag.

Han tilhøyrte eit firma som utførte vedlikehald på fabrikken. Det opplyser politiet i ei pressemelding.

Det var totalt tre personar som vart skadd i ulykka. Ein av dei skadde jobba i same selskap som Larsen, medan dei to andre skadde var tilfeldig forbipasserande.

LES OGSÅ: En omkommet og tre skadet etter fabrikkeksplosjon i Fredrikstad

Alle dei skadde er lettare skadd.

Politiet stadfestar no at eksplosjonen skjedde i samband med vedlikehaldsarbeid på fabrikken, utført av eit eksternt firma.

STORE STYRKAR: vart sendt til området etter meldinga om eksplosjon på Mills-fabrkken.  (Foto: Scanpix)
STORE STYRKAR: vart sendt til området etter meldinga om eksplosjon på Mills-fabrkken. (Foto: Scanpix)

Eksplosjonsfaren på området er over, men politiet sperrar likevel av eit større område framleis.

Det var ein kraftig eksplosjon som råka Mills-fabrikken rundt klokka 16.18. Smellen vart kjent over store deler av Fredrikstad.

Alle vindauga i Biltema-butikken over vegen vart blåst inn.

LES OGSÅ: Mills-eksplosjonen: – Det smalt kraftig og bakken ristet

Augevitne melder om ei stor eldkule som stod over bygget der eksplosjonen skjedde.

Bygget låg etterpå i ruinar.

– Området ser ut som ei krigssone, sa innsatsleiar Stig Ødegård til TV 2

STORE SKADER: Eksplosjonen forårsaka store skader .  (Foto: Scanpix)
STORE SKADER: Eksplosjonen forårsaka store skader . (Foto: Scanpix)