DREPNE: Ei gravid kvinne og hennar ufødte born var blant dei drepne på skulevegen i Kameoka. (Foto: NHK)
DREPNE: Ei gravid kvinne og hennar ufødte born var blant dei drepne på skulevegen i Kameoka. (Foto: NHK)

Bilist køyrde inn i ei gruppe skuleelevar og drap to

Ein japanar utan førarkort køyrde måndag inn i ei gruppe med skuleungar. To personar mista livet, blant dei ei dame som var gravid i sjuande månad.

Denne artikkelen er over ett år gammel, og kan inneholde utdatert informasjon.

Hendinga skjedde i byen Kameoka som ligg i nærleiken av Kyoto, vest i Japan.

Borna, sju jenter og ein gut, var alle elevar frå fyrste til femte klasse. Det melder den statlege japanske kringkastaren, NHK.

Utan førarkort

Dei to som døde var ei kvinne som var gravid i sjuande månad, samt ei skulejente i andre klasse. Den gravide kvinna fylgde borna på skulevegen.

LES OGSÅ: Michael (34) bråvåknet da bil kjørte over han på soverommet

Av dei åtte skadde er tilstaden kritisk for ein gut i fyrste og ei jente i tredje klasse.

TYDELEGE SKADER: Bilen har tydlege skader i fronten etter å
  ha køyrd inn i gruppa med skuleelevar bakfrå. (Foto: NHK)
TYDELEGE SKADER: Bilen har tydlege skader i fronten etter å ha køyrd inn i gruppa med skuleelevar bakfrå. (Foto: NHK)

Politiet har arrestert den 18 år gamle bilføraren som ikkje har førarkort.

Han har innrømt ovanfor politiet at det var han som køyrde bilen som trefte skuleungane.

Køyrde heile natta

Han skal ha køyrd bil heile natta, saman med to kameratar. Dei var og i bilen når dei trefte skuleungane.

Bilen skal ha køyrd inn i gruppa med skuleungar bakfrå.

LES OGSÅ: Bilist (76) krasjet gjennom vinduet - meide ned ti kunder

Bilen enda den ville ferda i eit blomsterbed etter at den trefte skuleungane.

Så seint som i førre veke skjedde ein liknande episode i Kyoto. Då køyrde ein bil inn i ein folkemengde i Kyotos Geisha-distrikt. Fire personar, inkludert bilføraren mista livet i den episoden.