NARKOTATT PÅ VEG PÅ SKIFERIE: Ungdommane som blei stoppa skulle på skiferie. Dei fekk reisa vidare etter å ha å ha levert frå seg alt ulovleg stoff frivillig. (Foto: CBS)
NARKOTATT PÅ VEG PÅ SKIFERIE: Ungdommane som blei stoppa skulle på skiferie. Dei fekk reisa vidare etter å ha å ha levert frå seg alt ulovleg stoff frivillig. (Foto: CBS)

Politisjefen lét 250 narkoferska mindreårige reisa vidare

Gav ungdommane eit tilbod dei ikkje kunne sei nei til. Og ei formaning om at dei måtte ta vare på seg sjølv.

Denne artikkelen er over ett år gammel, og kan inneholde utdatert informasjon.

Politisjef Don Zumwalt i den vesle byen Elko i Nevada, USA, fekk eit dilemma då narkohundar sniffa seg fram til marihuana på fire bussar fulle av ungdommar som skulle på skiferie.

Fann narkotika i alle fire bussane

Då hundane hadde gjort funn av ulovleg stoff i bagasjerommet på alle bussane forsto politisjefen at han hadde eit problem.

– Kven eigde stoffet og kvar skulle han gjera av ungdommane?

– Det var 250 ungdommar, eg veit ikkje om nokon var over 21 år. Eg kunne ha arrestert alle og konfiskert bussane. Men logistikkmessig hadde det blitt eit mareritt, seier Zumwalt.

I den vesle byen med 19.000 innbyggjarar hadde berre kapasitet til å arrestera 20 mindreårige.

SLAPP UNNA MED ALVORSPRAT: Politisjef Don Zumwalt bestemte seg for å la fire bussar med ungdommar, tatt med marihuane reisa vidare etter å levert frå seg stoffet. (Foto: CBS)
SLAPP UNNA MED ALVORSPRAT: Politisjef Don Zumwalt bestemte seg for å la fire bussar med ungdommar, tatt med marihuane reisa vidare etter å levert frå seg stoffet. (Foto: CBS)

Gav frå seg det dei hadde

Politisjefen bestemte seg difor å la ungdommane reisa vidare, dersom dei frivillig gav frå seg alt dei hadde av ulovleg stoff. Tilbodet var nok for godt tli å avslå.

Etter all marihuanaen var levert inn, gav politisjefen ungdommane ein «faderleg prat» om å stå på ski edru og å ta vare på seg sjølv.

Politisjefen sa dei måtte vera forsiktige. – Eg ville ikkje at dei skulle stå på ski påverka eller døy av overdose, seier Zumwalt.

Kan henda var ungdommane heldige som vart stoppa i Elko.

– I Los Angeles ville nok politiet kanskje har løyst dette på ein anna måte, men dette var slik vi løyste det, seier Zumwalt.

Dei 250 ungdommane hadde reist i kring åtte timar då det vart stoppa av politiet. Ingen var påverka av stoffet.

Undgommane var på veg til ein tre dagars skiferie i Utha, der også ungdommar frå 67 skular i Los Angeles, Orange County, Temecula og Arizona, 27 skular frå området kring San Diego, og 40 skular frå California var venta.

Ein personfrå turoperatøren sa at det var omtrent umogleg å kontrollera kva ungdommane tok med seg på bussen.

Les også: Her slynger de narkotika over grensen med katapult