Ein mann død og to personar hardt skadd i Bagn

Politiet veit ikkje kva som har skjedd, men dei trur ikkje at det har skjedd noko kriminelt.

Denne artikkelen er over ett år gammel, og kan inneholde utdatert informasjon.

Klokka 18.30 fekk politiet i Vestoppland melding om ei alvorleg ulykke på ei hytte i Bagn i Sør-Aurdal.

Ein person i 70-åra har mista livet og to personar er sendt til sjukehus med alvorlege skader, det stadfestar operasjonsleiar Marianne Bruun ved Vestoppland politidistrikt til tv2.no.

– Det er truleg snakk om ei ulykke, seier Bruun.

Politiet veit førebels ikkje kva som har skjedd, og er svært tilbakehaldne med opplysningane i saka.

– Me vil ikkje gå ut med nokre opplysningar, då me ikkje veit kva som har skjedd, seier ho.

Opplysningar tv2.no sit med tyder på at mannen truleg hadde død av kolosforgifting.

Dei to hardt skadde personane, som ifølgje NTB skal vera på 30 og 70 år, er sendt til Ullevål sykehus med luftambulanse.

Politiet er på staden no og gjer undersøkingar.