Bali (Foto: SONNY TUMBELAKA/Afp)
Bali (Foto: SONNY TUMBELAKA/Afp)

14 år gammal gut risikerar streng fengselsstraff etter marihuanakjøp på Bali

Den australske guten kjøpte sju gram marihuana då han syntest synd i seljaren. Risikerer no fleire år i fengsel.

Denne artikkelen er over ett år gammel, og kan inneholde utdatert informasjon.

– Australia har gjeve topp prioritet for å sikra at den 14 år gamle guten vert sendt tilbake til Australia, men denne saka krev tolmod, og det er ikkje sikkert at me vil lukkast, seier utanriksministeren i Australia, Kevin Rudd, til nyhendebyrået AP.

Den 14 år gamle guten vart arrestert på tysdag, denne veka, for å ha kjøpt nokre gram marihuana frå ein mann på Kuta beach.

Sit fengsla med vaksne kriminelle

Guten risikerer no seks år i fengsel. Kjøp av marihuana vert straffa like strengt som kjøp av kokain og heroin ifølgje indonesisk lov.

– Min jobb som utanriksminister er å gjera det eg kan for å få denne vesle karen heim til Australia, seier Rudd til radiokanalen 3AW.

LES OGSÅ: Denne sexvideoen kan gi ham 16 års fengsel

Guten, som er frå ein liten by nord for Sydney, var på ferie på Bali med foreldra.

Myndigheitene på Bali kan halda han fengsla i 30 dagar utan å sikta han.

Saka held fram under biletet

FULL PRIORITET: Utanriksminister Phill Rudd seier at denne saka har full prioritet hjå dei. (Foto: AP)
FULL PRIORITET: Utanriksminister Phill Rudd seier at denne saka har full prioritet hjå dei. (Foto: AP)

Han skal vera plassert i eit fengsel for vaksne fangar, men vert halde unna dei andre fangane.

Julian McMahon var advokat for to australienarar som fekk dødsstraff på Bali for narkosmugling i 2005. Ho seier at guten treng ikkje uroa seg for å få maksimumsstraffa på seks års fengsel.

– Han vil berre få nokre månader i fengsel, om han i det heile får fengselsstraff, seier Julian McMahon.

Politiet har gjort feil

Advokaten til guten, Muhammad Rifan, seier at guten kan unngå fengselsstraff om han kan bevisa at han er avhengig av narkotika, og mottek behandling for det, så slepp han fengselsstraff.

– Å sitja fengsla i Indonesia er eit mareritt, sjølv for vaksne, peikar han på.

LES OGSÅ: Fant flere kilo narkotika under trafikkontroll i Telemark

Politiet på Bali skal ha gjort formelle feil under arrestasjonen, noko som betyr at dei må gjennomføra ein ny urinprøve og nytt avhøyr av guten i dag, fredag.

Ifølgje avisa The Sydney Morning Herald skal guten ha kjøpt marihuana for 163 kroner, for han syntest så synd i seljaren som hevda han ikkje hadde spist noko mat den dagen.

Indonesia har nokre av verdas strengaste narkotikalover.

Over 140 personar ventar på fullbyrding av dødsstraffa, blant dei 50 utlendingar.

KJØPTE MARIHUANA: Her på denne stranda kjøpte den 14 år gamle guten marihuana av ein selgar som ikkje hadde fått i seg mat heile dagen, hevdar han. No risikerar guten seks års fengsel. (Foto: AP)
KJØPTE MARIHUANA: Her på denne stranda kjøpte den 14 år gamle guten marihuana av ein selgar som ikkje hadde fått i seg mat heile dagen, hevdar han. No risikerar guten seks års fengsel. (Foto: AP)