hytte nær sjøen med utsikt
hytte nær sjøen med utsikt

Her finn du hytter med utsikt for under ein million!

Drøymer du om ei sommerhytte med utsikt og kort avstand til badestrender? Du kan finne fleire fine perler til under ein million kroner.


Etter finanskrisen har etterspørselen gått ned på sommerparadis. No kan du få kjøpt fleire flotte hytter med utsikt, kort veg til stranda og sommaridyll. I pressområdene kan sjølvsagt budrunden auke prisen, men hyttemarknaden har ikkje tatt seg heilt opp etter finanskrisen.

Meklarar TV 2 hjelper deg har snakka med seier at det er mange som kikkar på finn.no, men at det er få som er aktive kjøparar.

Oftare budkrig på billige hytter

Dersom du har høve til å gå litt opp i pris, kan du kjøpe deg ei hytte til 1.3 millionar kroner på Tromøy rett utanfor Arendal. Hytta har utsikt til sjøen og kort avstand til strand og fine bademoglegheiter. Det er Peder Steen i DnB NOR som er meklar for denne hytta og han trur hytta har eit stort potensiale.

-Dette er ei spanande hytte med ein fin plassering. Det er bilveg heilt fram til hytta og med utsikt og fint nærmiljø så kan denne hytta vera attraktiv for fleire, seier den rutinerte eigedomsmeklaren. Han meiner vidare at det er større sjanse for budkrig når hyttene ligg i den lave prisklassen enn i den høge.

– Det er ikkje mange hytter i prisklassen 1-2 millionar kroner i vårt område og eg blir ikkje overraska om denne hytta går over prisvurderinga. Men det er vanskeleg å spå då det er mange som er inne på nett og ser på hytter, men det er ikkje så mange som legg inn bud, seier Peder Steen som har jobba i bransjen i 25 år.

Du kan gjera kupp på dyre hytter

Peder Steen sitt beste råd er å sjekke ut dei litt dyrare hyttene. Det er nemleg vanskelegare å få selt hytter som ligg i prisklassen 4 millionar eller høgare. Det er få som legg inn bud på hytter i denne prisklassen og her kan ein få mykje for pengane dersom ein er heldig.

-Me merkar at det er interesse for desse hyttene, men det er få aktive kjøparar i denne prisklassen, konstaterer Peder Steen.

Prisfall etter finanskrisen

Roger Nyborg, informasjonssjef i Noregs Eigedomsmeklarforbund seier til TV 2 hjelper deg at hyttemarknaden var laber i fjor.

– NNF merker at interesse for kjøp av sommarhytter er litt aukande denne sesongen, men det er likevel for tidleg til å ha statistikk på dette, seier informasjonssjef, Roger Nyborg. Han legg til at prisvurderingane skal speile marknaden og at det ikkje skal vera lokkeprisar på hytter.

Toppår i 2007-2008

Rett før finanskrisa kom var hyttemarknaden bra, og det var stort press både på visning og i budrundane. Peder Steen som jobbar som meklar i Arendal seier at det er stor skilnad på temperaturen før og etter finanskrisen.

– Vi ser at trafikken på Finn.no er framleis stor, men at det er fleire som berre ser og som ikkje er klare for å kjøpe hytte no. Det er langt fram til toppåret som var i 2007-08, seier meklaren i DnB NOR.

vestfold
vestfold

Hytte i Vestfold med eigen båtplass og flott utsikt, 990.000,- kroner.

Les mer hytta her.

Under en halv million

Dersom du bur i midt-norge kan du få dette idylliske ferieparadiset til under ein halv million. Her har du ei koseleg gamal stue med nydeleg utsikt og idyllisk natur. Hytta er frå 1910 og prisvurderinga er på 395.000,- kroner. Hytta ligg berre 3 timar frå Trondheim og ein knapp time frå Molde.

hytte
hytte

Les mer om hytta her.

Her er linker til fleire billige og koselege sommerhytter:

Midt-Norge

http://www.finn.no/finn/realestate/leisure/sale/viewimagewide?finnkode=22501840

http://www.finn.no/finn/realestate/leisure/sale/object?finnkode=22522044

http://www.finn.no/finn/realestate/leisure/sale/object?finnkode=22476412

Sør-Norge

http://www.finn.no/finn/realestate/leisure/sale/object?finnkode=22501150

http://www.finn.no/finn/realestate/leisure/sale/object?finnkode=22482491

http://www.finn.no/finn/realestate/leisure/sale/object?finnkode=22509584

http://www.finn.no/finn/realestate/leisure/sale/object?finnkode=22477893

http://www.finn.no/finn/realestate/leisure/sale/object?finnkode=22477893

Vestlandet:

http://www.finn.no/finn/realestate/leisure/sale/viewimagewide?reference=0/225/022/90_1920655060.jpg&finnkode=22502290

http://www.finn.no/finn/realestate/leisure/sale/object?finnkode=22542508

Har du sett markedsføring du reagerer på? Tips oss!

Følg oss på Facebook! Klikk her.