ingvarda (Foto: Sigurd Knutsen/TV 2)
ingvarda (Foto: Sigurd Knutsen/TV 2)

105 år gamle Ingvarda elsker bingo

I dag blei 105 årsdagen til Ingvarda Viddal feira med flagget til topps. Jubilanten sjølv gler seg mest til fredag. Då er det bingo.

Denne artikkelen er over ett år gammel, og kan inneholde utdatert informasjon.

Ingvarda Viddal på Hjørundfjordheimen på Sunnmøre ville ikkje ha noko oppstyr, men godtok blomar frå TV 2 og ein liten prat.

– Eg høyrer så dårleg så det er slitsamt å samtale, seier ho til TV 2 Nyhetene.

Ungdomeleg

Ingvarda Viddal ser meir ut som 80 år enn 105. Blikket er skarpt og ho seier klart i frå så praten ikkje blir lang.

– Eg vil helst sitje for meg sjølv og ta det med ro, seier ho, men blir ivrig når vi spør henne kvifor ho ser så ung ut.

– Eg tru på eit liv i friluft. Eg var mykje på sætra då eg var ung. Vi rodde kyrne over fjorden og bada. Det var eit sunt og godt liv, forteller jubilanten.

Ein av 26

I følgje Statistisk Sentralbyrå er det i dag 26 kvinner og seks menn som er 105 år eller meir her i landet.

Ingvarda Viddal er truleg ein av dei sprekaste.

Sjølv om ho brukar rullestol er ho klinkande klar. Ho var barn då Titanic gjekk ned og har levd gjennom to verdskrigar.

– Noko av det eg hugsar best var då broren min kom heim etter krigen. Han var på selfangst på New Foundland då krigen braut ut og var vekke heimafrå i fem år utan at vi visste kva som hadde skjedd med han. Dagen han kom heim er den største i livet mitt, seier Ingvarda Viddal til TV 2.

Elskar bingo

I dag lever ho eit roleg liv på Hjørundfjordheimen på Sæbø og ser fram til fredagane. Då er det bingo.

– Det er kjekt, og eg vinn av og til også, seier ho med eit smil.

Singel heile livet

Ingvarda Viddal har valt å leve ugift og trur kanskje det forklarar litt den høge alderen.

– Det er det beste. Å få vere aleine og styre seg sjølv, seier ho og ler godt.