Blindheim barneskole (Foto: Arill Riise/TV 2)
Blindheim barneskole (Foto: Arill Riise/TV 2)

Pyromanfrykt på barneskole

Politiet har få spor etter den eller dei som prøvde å tenne på Blindheim barneskole i Ålesund i natt. Berre flaks hindre ein storbrann.

Denne artikkelen er over ett år gammel, og kan inneholde utdatert informasjon.

Barneskolen på Blindheim er den største mellom Bergen og Trondheim med 574 elevar. I natt rykte brannvesenet ut til skolen og kom tidsnok til å hindre ein storbrann.

Ifølgje seksjonsleiar Terje Rishaug ved Sunnmøre Politikammer hadde brannstiftarane tent på kle som var lagt utanfor døra til ei bud. Heldigvis trekte røyk inn i skolen og utløyste brannalarmen før flammane fekk tak.

Ber om tips

Politiet ber no publikum om tips.

– Vi har ingen haldepunkt for å tru at ein pyroman er på ferde, men ber publikum som kan ha sett noko ved skolen i 23 tida i går om å melde frå til oss. Alle tips er viktige, seier seksjonsleiar Terje Rishaug ved Sunnmøre Politikammer til TV 2.

Skaper frykt

Rektor Kenneth Skårn ved Blindheim barneskole seier brannen har skaka opp både elevar og tilsette.

– Vi har samla personalet ved skolen i morgontimane og informert elevane. Dette er ei hending som naturleg nok skapar frykt, men vi set vår lit til politiet si etterforsking og håper på ei avklaring så raskt som mogeleg, seier Skårn til TV 2.

Ekstra vakthald

I helga blir det sett opp ekstra vakthald rundt den nybygde skolen som ligg midt i eit av dei tettast befolka områda i Ålesund. Det er litt røykskader inne i delar av skolebygningen og ryddemannskap er i sving for å fjerne lukt og reinse der røyken kom inn.

Blindheim barneskole (Foto: Arill Riise/TV 2)
Blindheim barneskole (Foto: Arill Riise/TV 2)