Gjer eit båtkupp nå
Du kan få ny båt til spottpris. Vi fortel deg korleis!
Finanskrisa skyller inn over båtmarknaden, og båtane er billegare enn på mange år. Alt ligg til rette for å gjere eit skikkeleg båtkupp, både av nytt og brukt.
Les også: Test av flytevester
Les også: Test av dagsturbåter (2007)
Les også: Test av RIB-er (2006)
Det er mykje å spare dersom du tek til takke med ein fjorårsmodell, her er det fleire produsentar som ynskjer å tøme lageret før sommaren kjem.
For å gjere dei verkeleg store kuppa bør du skunde deg.
- Etter at Askeladden gjekk konkurs i fjor, vart lageret deira tømt og båtane vart kjøpt opp av andre leverandørar, forklarar Frode Pedersen i Båtliv.
- Disse fjorårsmodellane kan du no få til ytterlegare redusert pris, men lageret blir raskt tomt, så her er det berre å hive seg rundt.
Det er likevel fleire tips som kan gi deg som kjøpar ein god pris på ny båt.
- Ta ein prat med salssjefen, det er han, og ikkje seljaren, som kan gi dei største avslaga, tipsar Pedersen. Du bør i tillegg vere merksam på kva ekstrautstyr som fyl med båten, og kva du bør kjøpe ved sidan av.
- Du kan også få ein svært god pris dersom du kjøper ein demobåt, eller stiller din båt til disposisjon for seljar, då over ei avgrensa periode for framvising på messer og demonstrasjonsturar.
Og ikkje minst, i disse tider kan det vere lurt å sjå etter gode båtkjøp utanfor Noreg sine grenser, så fyl med på valutasvingingar.
Meir om båt og båtkjøp finn du på www.batliv.com