fritzl amstetten prest 3_680
fritzl amstetten prest 3_680

- Tvilar på om Fritzl kjem til himmelen

Mandag starter rettssaken mot Joseph Fritzl.

Denne artikkelen er over ett år gammel, og kan inneholde utdatert informasjon.

Det er søndag, og sluddbyer i lufta over Amstetten. Inne i ei av byens mange kyrkjer er det speidargudsteneste. Benkeradene er fulle av folk.

På ein storskjerm surrar bilete av speidargruppa i Amstetten gjennom året som har gått. Kontrasten til dei grusomme handlingane i kjellaren Ybbstrasse 40 kunne knapt vore større.

TV 2 er til stades i retten når saken mot Josef Fritzl begynner mandag morgon.
Følg rettssaka fortløpande her.

- Tema på gudstenestene

Pater Hermann Sandberger sukkar og leitar etter orda når han skildrar det siste året.

- I starten var det sjølvsagt eit sjokk for oss. Men vi har forsøkt å ta det opp i gudstenestene. Det at det vonde eksisterer og finnes i blant oss, seier han.

Les også: 2000 pressefolk venter på Fritzl

Flyforbod over Sankt Pölten

Men folk i Amstetten håpar at den vonde tida snart skal være over. Mandag startar rettssaka mot Josef Fritzl, i Landesgericht i Sankt Pölten. Kring to tusen journalistar og mediefolk har inntatt regionshovudstaden, med 50 000 innbyggarar.

Over retten - som ligg vegg i vegg med fengselet der Fritzl er innesperra - er det innført flyforbod. Dette for å hindre dei ivrigaste paparazzifotografane i å ta bilde av Fritzl i luftegarden.

Kan være ute om seks år

Josef Fritzl er mellom anna tiltalt for incest, bortføring, valdtekt, drap og slavehald.

I følgje advokaten til Fritzl, Rudolf Mayer, vil 74-åringen ikkje erkjenne straffskuld i dei to mest alvorlege tiltalepunkta, nemleg slavehald og drap. Drapstilalen bygger på det faktum at eit av barna Elisabeth Fritzl fekk som resultat av valdtekt, døydde kort tid etter fødselen.

Dersom juryen ikkje lar seg overtyde om at Fritzl indirekte er skuldig i drap eller slavehald kan han maksimalt få ti år i fengsel. Med god oppførsel kan han dermed ta sin første permisjon etter seks-sju år. Det har opprørt mange i Østerrike, som ser Fritzl som eit monster som gjerne burde vore sperra inne på livstid.

fritzl amstetten Huber_680 (Foto: TV 2)
fritzl amstetten Huber_680 (Foto: TV 2)

- For å være ærleg så burde mannen blitt kastrert og sperra inne på psykiatrisk institusjon resten av livet, seier Karmen Huber frå Amstetten.

Presten er usikker

Heller ikkje pater Sandberger har lett for å tru at ein mann som Josef Fritzl kan komme til himmelen.

- Å, det er eit vanskelig spørsmål, seier han og dreg på det.

- Men skal vi tru evangeliet, fins det frelse for alle som tar Jesus inn i hjartet. For alle, gjentek Sandberger, medan han flakkar med blikket.

Fredag fell dommen mot Josef Fritzl.