Dei to små sibirtigrane blei svikta av mor, som ikkje ville ha noko med dei å gjera. Hjelpa vart via ein hund, fortel den russiske dyreparken som fostrar opp dyra, til nyheitsbyrået AP.

Blei aksepterte med ein gang

Dei to små nøsta sitt nye matfat er ein shar pei-hund, ved namn Cleopatra. Ho gjev dei mat, varme og ein trygg stad å sova om natta.

LES OGSÅ: Hund ammer nyfødte liger-unger

Dei to tigrane blei fødd i slutten av mai i ein russisk dyrehage ved Svartehavet.

Ein fullvaksen sibirtiger kan bli opp mot 300 kilo og strekkja seg over tre meter frå topp til tå.

Assisterande direktør ved dyrehagen, Viktoria Kudlayeva, fortel at hunden gav dei to små tigrane all si merksemd med ein gang.

– Ho aksepterte dei med ein gong, seier Kudlayeva.

– Ho gjer dei reine og gjev dei mat som om dei var hennar eigne, seier Kudlayeva.

LES OGSÅ: Løve + tiger = ...

Ikkje farlege for hunden

Tigrane, som har fått namna Clyopa og Plyusha, etter adoptivmora, får også geitemjølk.

Ifølgje dyreparken er dei to små tigrane ikkje farlege for hundemamma.

LES OGSÅ: Katt adopterte skadet ekorn

Naturleg lever sibirtigeren i Aust-Russland, Nordaust-Kina og Nord-Korea, men det er få sibirtigrar att. Truleg er det færre enn 1000 på verdsbasis, og dei fleste av dei lever i fangenskap.

LES OGSÅ: Den enøyde tigeren Zena reddet fra å bli blind