Dei fantastiske bileta vart fotografert av Dyrk Daniels i Cougar Mountain Zoo i USA.

Han merka seg at tigeren, som heiter Taj, var interessert i den vesle jenta som strakk seg så lang ho var opp mot tigeren i dyreparken.

– Eg var heilt sikker på at den vesle jenta måtte få terapi og kom til å vera redd kattar for resten av livet, seier Daniels ifølgje Daily Mail.

KOSAR: ¿Eg har aldri sett slik ømheit frå eit digert rovdyr, seier Dyrk Daniels. (Foto: Solent News & Photo Agency)

Det var fleire born i parken den dagen, så Daniels bestemte seg for å venta med å gå fram til tigeren før ungane var ferdige med å sjå. Det var då han såg den vesle jenta som lente seg mot glaset, med henda over hovudet, som om ho strakk seg etter den store tigeren.

LES OGSÅ: Ape tok selvportrett med stjålet kamera

Bengaltigeren Taj merka seg jenta, og byrja å gå mot det vesle barnet.

– Eg trudde ikkje mine eigne auger då eg såg at tigeren seinka hovudet sitt når den kom bort til jenta, og deretter plasserte den digre pota si akkurat der som jenta hadde eine handa, seier han.

– Det var eit utruleg syn. Taj tok etterkvart ned poten sin, og byrja å stryka kjaken sin opp og ned mot glaset, akkurat der fjeset til den vesle jenta var, før tigeren gjekk sin veg, seier han.

LES OGSÅ: Rundlurt nordmann kjøpte løve på nettet

Ein mannleg bengaltiger er normalt sett rundt tre meter lang frå hovudet til tuppen av halen, og veg nærare 250 kilo. Den jaktar normalt sett på antiloper, Sambarhjort og oksedyret Gaur.

Den vesle jenta vart langt ifrå skremt av nærmøtet med ein diger tiger. Ifølgje Daniels klappa jenta begeistra i nevane og gjekk tilbake til mor si.

–Eg har aldri sett slik ømheit frå eit digert rovdyr, sluttar Daniels.

TERAPI: Eg var heilt sikker på at den vesle jenta måtte få terapi og kom til å vera redd kattar for resten av livet, seier Daniels ifølgje Daily Mail. (Foto: Solent News & Photo Agency)