TV 2 fortalde førre søndag om korleis ei kvinne mista Ipad-en sin på flyet til Oslo: Takka vere sporingsfunksjonen kunne svensk politi i løpet av kort tid slå til i eit utkantområde nord for Stockholm.

Då Ane Mortveit Ognøy fekk telefonen sin stole i Afrika, hadde ho òg sporingsprogram installert. Telefonen har ho ikkje fått att, men den som har kjøpt tjuvgodset har heller ikke mykje privatliv:

– Eg følger med endå, og sist eg sjekka så var telefonen min tilbake i Uganda, seier ho til tv2.no.

Nederst i saka kan også du sjå kvar telefonen er til ei kvar tid!

For ganske nøyaktig eitt år sidan var ho på eit studieopphald i Uganda. Medan ho var der blei ho og følgjet invitert til å delta i eit afrikansk bryllaup.

Politivald

– Me valde då å legga alle verdisakene våre i bagasjerommet på bilen, då me ikkje ville ta med oss så store rikdommar inn i bryllaupet, seier ho.

LES OGSÅ: Mista Ipad-en på veg til Oslo. Fann den igjen i Sverige

Difor la dei mellom anna speglreflekskamera og mobiltelefonar igjen i bilen.

– Alt forsvann frå bagasjerommet, inkludert doktorgradsoppgåva til ei afrikansk venninne, fortel ho.

Dei meldte tjuveriet til politiet, som etter kort tid arresterte nokre unggutar dei trudde hadde stole utstyret.

– Då vart me vitne til at politiet misbrukte makta si mot dei unge gutane, seier ho.

Ho seier at dei sat i naborommet og høyrde skrika frå ungdommane då politiet avhøyrde dei,

– Me fekk ikkje vita kva politiet gjorde, men det var ein dramatisk dag, seier ho.

I ettertid viste det seg at det ikkje dei som hadde tatt utstyret.

Ukjent mann på Facebook-profilen hennar

– Etter nokre dagar dukka det opp eit bilete på Facebook-profilen min eg aldri hadde sett før. Det var av ein vaksen afrikansk mann som eg aldri hadde sett før, fortel Ognøy.

Mannen sat i ei trapp ein stad i Afrika.

LES OGSÅ: Ipad-tyv avslørt av GPS

Det viste seg å anten vera personen som stal telefonen, eller han som hadde overteke telefonen etter tjuveriet.

Etter kvart kom ho på at søskenbarnet hennar hadde installert ein app som gjorde at ho via e-posten kunne sjekka kvar telefonen til ei kvar tid finn seg.

– Sist eg sjekka var den tilbake i Uganda, flirar ho.

LES OGSÅ: Disse tenåringene fylte varebil med stjålne Ipad-er

Sidan den vart stolen har telefonen stort sett vore i Rwandas hovudstad Kigali.

– Ofte får eg melding om at «Ane Ognøy er på golfbana i Kigali».

– Det er greitt at nokon får nytte av telefonen min, seier ho galgenhumoristisk.

Like ved Police HQ

Den siste oppdateringa visar at telefonen berre er ein kort spasertur unna sentralpolitistasjonen i Rwanda.

Ho seier at det hender ho sjekkar om kvar mobiltelefonen hennar finn seg.

– Det er greitt å følgja med. Det er interessant å sjå korleis dagens teknologi fungerar, seier ho.

LES OGSÅ: Gutt (17) solgte nyre for å få råd til iPad og iPhone

Det siste året har ho vore nøydd til å klara seg med halvgamle, halvdårlege telefonar. Men no har ho endeleg fått seg ny smarttelefon igjen.

– Har du installert sporingsverktøy i den nye telefonen din då?

– Det har eg. Det var noko av det fyrste eg fekk på plass, sluttar ho.

Under kan du sjå nøyaktig kor mobilen til Ane er til ei kvar tid no. Kvar gong tjuven oppdaterer sin posisjon, ser du det her: