Skrev i dagboka like før kapring: «Vi er IKKE blitt kapret av pirater»

Den danske familien som er fanga av somaliske piratar i Indiahavet reiste frå Danmark 1. august 2009.

Familien hadde ein draum om å oppleva verda, dei store hava og dei fjerne sydhavsøyer. Frå land kunne vener, kjente og interesserte følgja ferda på internett-loggboka, ifølgje DR.

Del på facebook

– Har laga piratplan

Om bord i båten er tre barn og deira foreldre og to andre vaksne. At det var ein fare for priatar var dei klare over.

19. februar, etter nokre dagar på land skreiv familien: «No er vi igjen på havet. Vi har oppdatert forlisplanen vår, laga ein piratplan for kven som skal gjera kva viss vi blir angripne, og vi sender kvar dag posisjon og status til dei væpna styrkane UMKTO og forskjellige kontaktpersonar, som er så venlege å følgja oss.»

20. februar skreiv dei danske seglarane i nett-dagboka si: «Hørt at ein amerikansk seglbåt er kapra 240 sjømil frå Oman i går. Vi snakker sjølvsagt ein del om det, men det er langt meir enn tusen kilometer unna», ifølgje DR.

Onsdag i forrige uke, 23. februar skreiv dei: «Vi er IKKJE blitt kapra av piratar».

Torsdag mottok danske myndigheiter eit nødsignal frå båten.

På veg mot Somalia

Det var før helga danske myndigheiter fekk nødsignalet frå seglbåten, men fyrst måndag ettermiddag blei saken offentleg kjent.

– Båten er no på veg mot kysten av Somalia, seier Charlotte Slente ved det dansk UD ifølge Ekstra Bladet.

Krigsskip skal vera på veg

Eit dansk krigsskip er no på veg mot den kapra seglbåten, skriv Berlingske Tidende.

Ifølgje det danske nyheitsbyrået Ritzau skal flåtefartøyet «Esbern Snare», som tidlegare har fanga piratar, vera på veg i retning den kapra danske seglbåten. Men danske myndigheiter avviser å svara på spørsmål om saken.