Det var medan det norske cruiseskipet var på veg inn til kai at ei bølgje som vart skapt frå bruk av thrustarane frå cruiseskipet førte til at ei gangbru til ein ubåt som er ein del av museet fall ned.

– Det vart ingen skade på korkje menneske eller materiell, seier kvartermeister Sara Romero i US Coast Guard til tv2.no.

Rykka ikkje ut

Ho seier at den amerikanske kystvakta ikkje rykka ut til hendinga.

Det var CBS på Twitter som fyrst meldte om hendinga.

På sine nettsider skriv kanalen at kystvakta stadfestar at museet er påført skade.

UHELL: Det var ei gangbru til denne ubåten, som no er ein del av eit museum i New York, som ramla ned i Hudson River på sundag. (Foto: Jim.henderson/Wikimedia Commons)

Utanom den omtalte gangbrua, som det ikkje var folk på, stemmer ikkje det.

Museet er Intrepid Museum, eit flytande museum som tidlegare har vore eit hangarskip. Dette ligg rett ved New York Passenger Ship Terminal.

Andre uhellet på kort tid

I ein e-post til tv2.no skriv Luke Sacks, pressetalsmann på musèet, at det var bruk av thrustarane på skipet som førte til ei bølgje.

– Denne bølgja fekk u-båten «Growler» til å røra på seg, noko som igjen førte til at ei gangbru fall ned, skriv han.

–Ingen personar vart skadde, og hangarskipet «Intrepid» vart heller ikkje rørt av hendinga, skriv han vidare.

Dette er ikkje fyrste gong eit cruiseskip med norske relasjonar kjem i problem i samband med Intrepid museum. Så seint som i april i år skjedde ei liknande hending, melder Gothamist.com.

Då skulle skipet legga til rett ved sida av det flytande musèet, og kom borti piren, utan at det vart noko skader av særleg grad.