Saddam Husseins dobbeltgjengar kidnappa av pornobande

Ein egyptisk mann som ser ut som den tidlegare diktatoren i Irak, Saddam Hussein, hevdar at han vart forsøkt kidnappa av ein pornobande i Egypt førre helg.

Del på facebook

Mohamed Bishir seier til den egyptiske avisa al-Ahram at han var på veg til ein kafé i sentrum av Alexandria, då tre menn prøvde å tvinga han inn i ein varebil.

Nektar å stilla opp

Han seier at det var fleire personar som såg hendinga, men då overfallsmenna var væpna, torde dei ikkje å gripa inn.

LES OGSÅ: «Obama» ranet bank i Østerrike

Dette er ikkje fyrste gong Mohamed Bishir har møtt gjengen.

Klikk på denne lenka og sjå kor lik Bishir er Hussein

Dei har nemlig tilbydt han meir enn 1,8 millionar kroner tidlegare for å spela rolla som Saddam Hussain i ein pornofilm. Men Bishir nektar å vera med på det.

Etter at han takka nei til pengane skal han ha fått fleire trugsmål via telefonen, der dei truga med å kidnappa han om han ikkje stilte opp.

Kidnapparane hadde nemlig ein plan om å selja produktet til internasjonale medium, under dekke av at det var den ekte diktatoren som var der.

Angrepet av irakarar

Mohamed Bishir skal vera så lik Hussein at irakarar i Egypt har gått til angrep på han.

Bishir skal ha bytt adressa fire gonger for å unngå å verta sjikanert.

Iraks tidlegare president vart avretta i 2006. Då han regjerte i Irak skal han ha hatt fleire dobbeltgjengarar, som utgav seg offentleg som han.