Egypt etter Mubarak

– Opposisjonen er delt i mange parti og grupper, inkludert Det muslimske brorskap, seier Bjørn Olav Utvik, førsteamanuensis i Midtausten-studier på Universitetet i Oslo.

– I denne konflikten har opposisjonen opptredd relativt samla, og har oppnemnt ein komité som skal forhandle på deira vegne. Det er snakk om at det no blir forhandla om ei overgangsregjering, der opposisjonen og enkelte representantar frå det gamle regimet vil delta, seier Utvik.

IKKE IMPONERT: Bjørn Olav Utvik, førsteamanuensis i Midtøsten-studier på Universitetet i Oslo. Foto: TV 2

Ein islamistisk stat?

Så er spørsmålet kven som vil få makta på lengre sikt. Mange vestlege land har uttrykt bekymring for at makt til Det muslimske brorskap vil kunne skape ein radikal islamistisk stat. Men det er langt frå sikkert at det vil bli resultatet:

– Sånn som forholda i Egypt er no, kan det knapt bli verre. Viss muslimbrørne skulle få politisk makt, vil ein få et meir ope samfunn enn det ein ser i dag. Men det vil være konservativt, og muslimbrørne har haldningar som mange nordmenn og egyptarar er skeptiske til, seier forskar ved Fafo, Jacob Høigilt.

Utanriksreporter Simen K. Olafsen har sett nærmare på dei omstridde muslimbrørne i denne vekas utgåve av Korrespondenten - sjå heile programmet øverst i artikkelen.

Eit av landa som følgjer utviklinga i Egypt med argusauge, er Israel. Israelske styresmakter fryktar eit regimeskifte i nabolandet. Dei er redd for at det vil føre til at dei mistar sin viktigaste, og omtrent einaste, allierte i Midtausten.

Israel på tå hev

– Vi veit ikkje kva retning eit nytt regime i Egypt vil ta, det er ikkje sikkert dei umiddelbart vil prøve å gjere livet surare for israelarane, seier Hanne Eggen Røislien, forskar ved Institutt for forsvarsstudier.

Ho legg til at det er interessante endringar på gong i heile Midtausten, ikkje berre i dei landa der vi ser store demonstrasjonar.

– Også Israel er inne i ein periode med sjølvransaking. Ein går gjennom heile det juridiske systemet i Israel, og spør seg kva slags identitet, lovgiving og kultur Israel skal vere tufta på, seier Røislien. Høyr meir om dette i Korrespondenten.