Arrestert uten grunn

Sikkerhetspolitiet, leia av president Robert Mugabe, slår hardt ned på kritiske røyster. Men det fins dei som tør seie ifrå. Columbus S. Mavhunga er ein slik.

- Det er ytringsfridom i Zimbabwe. Det er derimot ikkje fridom etter ytringa, fortel Mavhunga oss i bilen på veg mot Zimbabwes hovudstad Harare.

Se utenriksmagasinet Korrespondenten i videovinduet over.

Journalisten var vår lokale kollega då TV 2 var på reportasjereise i landet for nokre veker sidan.

Frykt

- Å være journalist i Zimbabwe er nærmast som å vere soldat i ei krigssone. Ein veit aldri om ein kjem heim igjen, eller om ein kan bli skadd. Du kan bli arrestert utan grunn, seier han.

I det vi har sett oss i bilen låser Mavhunga dørene automatisk. Det gjer han alltid.

- Mugabe er ein frykta person. Han liker at folket fryktar han. Dersom du seier noko kritisk om presidenten kan alt skje med deg.

SE REPORTASJE: TV 2 i Zimbabwe

Og det er i dette klimaet journalistane jobbar. Og det fekk også TV 2 erfare. Etter å ha vore i gatene med kamerautstyr i berre fem minuttar kom ein representant frå sikkerhetspolitiet bort til oss. Han sjekka at vi hadde godkjenning frå styresmaktene for å snakke med folk i gatene.

Propaganda

Mavhunga arbeidde tidlegare for den uavhengige avisa Daily News. Avisa vart stengd av styresmaktene etter å ha trykt kritiske saker mot president Mugabe og hans regjering.

Den statlege avisa The Herald leverer ut propaganda, fortel Mavhunga oppgitt.

I dag arbeider han mykje for utanlandske medier.

Han fortel at han har ein stokk under senga heime, som han alltid tar med seg til døra når nokon bankar på.

- Eg har alltid døra låst når eg sitt og skriv, legg han til.

Foto: TV 2