Vil ha dansk utanriksminister på bana i smørskandalen

Danskane har fått med seg den norske smørskandalen der me, berre veker og dagar før jol, omtrent er tomme for smør.

Del på facebook

Tine meierier har produsert heile 25 millionar liter mindre mjølk enn i eit normalår, noko som har skapt problem for dei som skal baka til jol.

Arla nektar å hjelpa

Dette har ført til at Noreg har vore nøydde til å letta på tollmuren sin og importera smør frå Belgia. Den danske meierigiganten Arla på si side blånektar å hjelpa Noreg.

LES OGSÅ: Kutter melkeavgift for å løse smørproblemet

Den danske avisa Berlingske Tidende skriv at Arla har fått fleire henvendingar frå Noreg, men at dei ikkje er interessert å produsera smør for den norske marknaden.

Saka held fram under biletet

KRISE: Men no vil danskane hjelpa oss. Foto: Poppe, Cornelius/SCANPIX

Dette får lesarane av den danske avisa til å minna Arla på at i 1998 var det Noreg som hjelpte danskane som då hadde ei lita gjærkrise på gang.

LES OGSÅ: Desperate nordmenn til Sverige for å kjøpe smør

Lesarane er fulle av kreative forslag, mellom anna seier fleire av lesarane at dei vil ha med seg litt smør i kofferten neste gong dei skal til Noreg. Andre meinar meinar at Noreg bør få gratis smør frå Danmark som takk for hjelpa i 1998.

– Eg tykkjer at utanriksminister Villy Søvndal skal fylla nokre Herkules-fly med smør og fly naudsendingar med smør til alle større norske byar, meiner eine lesaren til avisa.

«Smør for olje»

Andre krev litt meir for smøret. Dei meinar at det bør etablerast ei «smør for olje-løysing».

Men ikkje alle vil dela smøret sitt. Ein lesar hevdar at Noreg stal olja frå danskane, så me skal ikkje få deira danske gull, smøret.

LES OGSÅ: Småprodusenter tjener fett på smørmangel

Avisa har laga ei avstemming, der dei spør om danskane skal hjelpa Noreg med smørkrisa. Til no har over 7300 menneske svara, og berre 40 prosent meinar at me skal få hjelp.

Heile 36 prosent meinar at me kan steika i vårt eige fett.