No kan det bli tryggare å røyka på senga

Sigarettar som ligg og brenn for seg sjølv, utan oppsyn, er ein av dei største årsakene til brannar med dødeleg utgang i Europa.

Undersøkingar viser at ei rekkje dødsbrannar kan unngåas med innføringa av ein ny type sigarettar.

Del på facebook

Den nye typen sigarettar, som alt er tatt i bruk i USA, Canada, Australia og Finland, skal sløkka seg sjølv og dermed er det mindre fare for at brannar vert starta.

LES OGSÅ: Amerikanerne klarer ikke slutte å røyke

Nye EU-regler

Frå og med torsdag denne veka gjer nye EU-reglar at alle sigarettar som er seld i Europa må innehalda denne typen teknologi. Det er opp til myndigheitene i kvart land å sjå til at dette vert gjennomført i praksis.

Statistikken frå EU viser at mellom 2003 og 2008 stod sigarettar bak heile 30.000 brannar kvart år som kostar over tusen liv årleg. I tillegg vert over 4000 personar skadd i desse brannane kvart år.

LES OGSÅ: Svenske tatt med 180.000 sigaretter

Erfaringar frå Finland, som har hatt den nye typen sigarettar sidan 2010, viser at over 500 menneskeliv i EU kan verta spara årleg med den nye typen sigarettar.

Slukker selv

Den nye typen sigarettar skal ikkje vera i stand til å starta brannar om ein går i frå sigarettar som det framleis er glør i. Dei nye sigarettane skal mellom anna ha to ringar som skal sørgja for at om gloa i sigaretten treff ein av dei, skal den sløkka av seg sjølv.

KAN REDDA 500 LIV ÅRLEG: Erfaringar frå Finland, som har hatt den nye typen sigarettar sidan 2010, viser at over 500 menneskeliv i EU kan verta spara årleg med den nye typen sigarettar. Foto: EBU