– Dei verste skadene me har sett etter hundeangrep på 20 år, seier sjukehuset.

Hunden Troy tilta galen på onsdag og gjekk til angrep på dottera i familien, Tilly Saunders (14).

Mamma Linda og ein person til storma til for å hjelpa Linda, men då gjekk hunden laus på dei og.

Avliva

Politiet vart tilkalla for å få kontroll på hunden, medan familien vart sendt til sjukehus med alvorlege skader.

LES OGSÅ: Hundeekspert: – Mer enn 5000 mennesker bites av hund hvert år

Legane på sjukehuset i Cornwall kallar skadane dei verste dei har sett på 20 år etter eit hundeangrep.

HUND: Det var ein hund av denne typen som gjekk til angrep på ein familie i Cornwall denne veka. (Foto: Wikimedia Commons)
Ikkje overraskande vart hunden, ein Staffordshire bull terrier, avliva i samråd med familien.

Avisa This Is Cornwall skriv at familien innrømte at dei ikkje lenger hadde kontroll på hunden og aggressiviteten den utviste.

Dette er det andre hundeangrepet på folk i Cornwall på kort tid.

LES OGSÅ: Politiet vil fortsatt avlive hundene som angrep i Mandal

I juni vart ei 19 år gammal jente angrepet då ho prøvde å hjelpa ein hund som sat midt i vegen. Men plutseleg gjekk hunden til angrep på ho, og beit ho i låret. Jenta fekk eit gapande hol i låret.

Auke i postbodangrep

Denne hunden vart avliva som følgje av angrepet.

På sida av dette har Posten i Storbritannia no gått ut med ei oppmoding til folk om å passa på hundane sine.

Dei peikar på at det i sommar har vore unormalt mange angrep på postbod i sommar.

LES OGSÅ: 12 år gammel gutt angrepet av hund mens han skatet

Avisa Harlow Star har ikkje tal for i sommar, men viser til at det i løpet av årets tre fyrste månader har vore 3100 angrep på postbod.

– Den eldgamle vitsen om hundar som angrip postbod er ikkje nokon spøk for oss, seier Dave Joyce, i postbodas fagforeining, til avisa.

– Fleire tusen av våre medlemmer vert angripen årleg, og fleire hundre får skader som plagar dei lenge fysisk og psykisk, seier Joyce.

LES OGSÅ: Vegard (18) reddet hund fra ulveangrep