10-år gammal jente voldtatt i Danmark

Ei jente på ti år og veninna hennar på ni, vart laurdag kveld tvunge med inn i ein skog i Gullestrup, nord for Herning i Danmark. Det melder Jyllandsposten på nett.

Del på facebook

– Det er snakk om ein fullbyrda valdtekt av den 10-år gamle jenta, seier operasjonsleiar ved Midt- og Vestjyllands Politi i Holstebro, Jens Claumarch.

Alarmerte familien

Han seier at den yngste jenta klarte å rømma og alarmera familien sin.

Dei to jentene var på ein leikeplass og leika då mannen kom bort til dei og truga dei med seg inn i skogen.

– Han sa til jentene at han skulle knivstikka dei om dei ikkje gjorde som han sa, seier Claumarch.

Familien til jenta som rømde rykka ut med ein gong dei fekk meldinga. Dei såg gjerningsmannen, men han klarte å komma seg vekk.

Ung valdtektsmann

Gjerningsmannen skal vera ein mann av afrikansk opphav og vera mellom 16-18 år gammal.

No etterlyser det lokale politiet ei kvinne som skal ha gått tur i området valdtekten skjedde.