Dei siste to åra skal deler av befalet på ein rekruttskule tilhøyrande det amerikanske luftforsvaret ha utnytta stillinga si for å få sex med unge jenter, fleire av dei tenåringar.

Fire sersjantar er no anklaga for å hatt seksuelle forhold til rekruttane.

Skal for krigsrett

Sersjant Luis Walker er stilt for krigsrett for å ha voldtatt eller gjort seksuelle overgrep mot ti kvinnelege rekruttar i løpet av ein periode på tre månader mellom oktober 2010 og januar 2011.

Walker nektar for skuldingane.

LES OGSÅ: USA fylte opp hæren med drapsmenn og sex-overgriparar – no skal dei kastas ut

Sersjant Peter Vega-Maldonado har innrømt å hatt sex med ein rekrutt, samt upassande seksuell kontakt med ni andre. Han samarbeidar no med myndigheitene, melder den amerikanske fjernsynsstasjonen CBS.

TOK DET VIDARE: - Om det var ting me følte at var ubehageleg, tok me det opp med nokon høgare opp i systemet, så vart det alltid løyst, seier Jessica Alexander. Ho er ei av mange kvinnelege rekruttar ved Lackland Air Force Base. (Foto: CBS)

To andre sersjantar vert truleg plassert framføre ein domstol innan kort tid. Vega-Maldonado og dei to andre sersjantane er sikta for mindre alvorlege skuldingar enn Walker.

Åtte andre sersjantar er under etterforsking.

LES OGSÅ: Homobryllaup lov i det amerikanske forsvaret - forbode i Noreg

Det skal vera over 20 offer i denne saka.

– Dei er befalet ditt, og du seier ikkje nei til dei, seier eit av ofra til CBS.

– Han var som ein far for meg

– Han var som ein far for meg, seier eit av dei andre ofra.

VALDTEKT: Ein av serjsantane er sikta for valdtekt av ein av rekruttane. (Foto: CBS)

Sersjantane sin jobb var opphavleg å omgjera ferske rekruttar til soldatar på åtte veker.

No har amerikanske politikarar byrja å engasjera seg i saka.

LES OGSÅ: John (97) fra Radøy kjempet i Normandie med den «norske» bataljonen

– Eg vil vita korleis det er mogleg at slike ting kan skje i ein militærleir der disiplin, respekt og det å ta vare på kvar andre skal vera grunnpilarane, seier Jackie Speier, som sit i den amerikanske kongressen.

– Me skjular ikkje noko

Oberst Glenn Palmer leiar ei av undersøkingane som går føre seg for å finna ut alt om denne saka.

– Eg vil at offentlegheita skal vita kva som har gått føre seg her. Dei skal ikkje få moglegheita til å seia at militæret prøvar å skjula noko som helst, seier han.

SNUR KVAR STEIN: Oberst Glenn Palmer seier at offentlegheita skal få vita alt om kva dei finn ut om sexskandalen. (Foto: CBS)