Frykt for internasjonal verftskrise

Verftsnæringa kjem aldri til å bli den same etter finanskrisa. Det seier administrerende direktør Martin Landtman ved skipsverftet som bygde «Oasis of the Seas». Verftet i Finland har alt permittert 300 arbeidarar og har tome ordrebøker .

Alvorleg for verftsindustrien

– Situasjonen er alvorleg og verftsindustrien har aldri opplevd større krise enn i dag. Etter sommaren 2008 er det ikkje blitt bestilt nye skip.

Det seier administrerende direktør Martin Landtman ved STX Finland. Etter at søsterskipet til Oasis, «Allure of the Seas», står ferdig om eit år er - ordrebøkene tomme.

Verftet i Turku har alt permittert 300 ansatte og 2200 står i fare for å misse jobben.

Knallhard konkurranse

STX sine verft i Norge har klart seg bra så langt, men no blir konkurransen knallhard.

– Vi kjem framleis til å satse på passasjerskip, men må også sjå på andre skip som isbrytarar, offshorefarty og ferjer, seier Landtman.

Han vil byggje bru over dei dårlege tidene og vere godt rusta til å møte oppgangen igjen når han kjem.

– Det håper eg vi skal klare, seier han til TV 2 Nyhetene.

Les også:
Flytende luksus for ni milliarder
Gigantskipet kan bli norsk

Verftskonferanse

Tysdag samlast verftsnæringa i Ålesund der Nærings og handelsminister Trond Giske skal halde innlegg.

Fleire verft her heime slit med at reiarar ikkje får finansiert skip dei har bestilt. Jobb nummer en for Giske blir å legge til rette for at norske verft kan konkurrere på like fot i ein stadig hardare internasjonal kamp om nye ordrar.