Pårørande i Sogn og Fjordane fekk ikkje kontakt med 113 - pasient døydde

I Sogn og Fjordane er det framleis problem med telekommunikasjonen. I tillegg er mange vegar stengde. I ei pressemelding skriv Helse Førde at det har vore eit tilfelle der pårørande ikkje kom igjennom til nødnummeret.

Dei pårørande køyrde sjølv for å henta hjelp, men då ambulansen og dei pårørande kom tilbake var vedkommande som trong hjelp død.

– Vi har hatt ei hending der pårørande ikkje kom fram til naudetat på telefon, og måtte køyre ut for å hente ambulansen. Pasienten var død når ambulansen kom fram. Det er førebels ikkje mogeleg å seie om dette kunne vore unngått om hjelpa hadde kome raskare fram, seier beredskapssjef Bjørn Morten Øen i pressemeldinga.

Les også: Seks skred gått i Flo-bygda. Politiet har problemer med sambandet

På grunn av problema med telekommunikasjonen har ikkje Helse Førde fullstendig over om uvêret har ført til personskadar, komplikasjonar eller forverring av helsesituasjonen for pasientar.

Les også: Fremdeles mange uten telefon etter Dagmar

Tysdag føremiddag var det framleis kring 30.000 kundar som ikkje hadde straum etter uvêret «Dagmar», ifølgje NTB.

Det er Sogn og Fjordane og Sunnmøre som tysdag er hardast ramma.