– For når du har 110.000 kroner i hanskerommet, då tenkjer du på å låsa bilen, seier han.

Gøymte pengane i hanskerommet

Fredag kveld selde Jan Erik Stiansen frå Arendal, båten sin, og fekk då 110.000 kroner i kontantoppgjer.

LES OGSÅ: Åtvarar mot frekke bilsvindlarar på Finn.no

Problemet hans var at bankane ikkje har ope på den tida. Han kunne heller ikkje ha pengane i huset sitt, då det er under totalerenovering.

DRIKKE: - Han kom på sykkel og bar på noko drikke. Det tyder på at han har kjøpt den i nærleiken. Difor vil eg sjekka overvakingsbileta på butikkar i nærområdet, seier Stiansen. (Foto: Privat/Overvakingskamera)

Difor lagra han pengane i hanskerommet på bilen sin.

Laurdag skulle bilseljaren berre ein kjapp tur innom jobb for å gjera klar overleveringa til ein bil.

– Men så vart eg litt lenger på jobb en planlagt, fortel han.

Etter endt arbeidsøkt, sette han seg i bilen og køyrde heimover. Då han nesten var komen heim, snakka han med sambuaren i telefonen. Då tok han ein kikk i hanskerommet, og oppdaga at alle pengane var borte.

LES OGSÅ: – Det var en vond dag og en fin dag

Frustrerande nok for Stiansen var sjefen, som er den einaste med tilgang til videorommet, ute på sjøen. Difor fekk han ikkje sjekka overvakingsbileta før dagen etter.

Film av tjuveriet

– Eg visste eg såg pengane på laurdagsmorgonen, men når ein går slik og tenkjer får ein masse rare tankar i hovudet, seier han.

Men videoovervakinga til bilbutikken gav tydelege svar.

LES OGSÅ: Solheim mener klimaforliket aldri vil nå målet om utslippskutt

Der kan ein sjå ein mann, som er relativt lett gjenkjennelig, som rotar rundt bilen til Stiansen.

Bileta viser at tjuven er inn og ut av bilen fleire gonger, og at tjuven syklar av garde når han er ferdig med sitt.

– Det at han har tråsykkel viser at mannen truleg er frå nærområdet, seier han.

SYKLAR: Her syklar tjuven avgarde etter det frekke tjuveriet. (Foto: Privat/Overvakingskamera)

Han er heilt sikker på at bilen var låst.

– Men eg fikla litt i lomma mi då eg skulle ta meg inn i butikken, innrømmer han.

Lovar amnesti

Han utelukkar difor ikkje at han kan ha kome borti ein knapp som opnar bilen.

LES OGSÅ: Ingen 22.juli-effekt for minoritetsgrupper

Saka er meldt til politiet som har vore på staden og sikra seg spor.

Men banditten har framleis ein sjanse.

– Om han leverar alle pengane tilbake innan tysdag ettermiddag, trekk eg meldinga, seier han.

LES OGSÅ: Tilstår medvirkning til babydrap i Norge - nekter å la seg utlevere