– Nokon skjønar meldinga, andre skjønar den ikkje, seier Ole Johan Brett, politifyrstebetjent og leiar av økoavsnittet i Søndre Buskerud.

Vil gjera alvorlege tema morosame

Han er ein av moderatorane på Facebook-sida til politiet i Søndre Buskerud.

LES OGSÅ: – Du vet du er fra Narvik når du sier: «Dæven ho hadde fin ræv!»

Fredag ettermiddag la han ut ei noko spesiell etterlysing på Facebook-sida deira, der dei etterlyser den mystiske alkoholbuska som alle mindreårige som drikk alkohol skuldar på når politiet avslører dei.

(...)Det finnes også en mystisk alkoholbusk noen plass i politidistriktet vårt. Når vi spør om hvor alkoholen kommer fra så sier mange «å jeg fant den i en busk». Politiet er meget interessert i tips om hvor denne mystiske alkoholbusken befinner seg.

– Når eg skriv som eg skriv, er det for å gjera ei alvorleg historie litt morosam, seier han.

For moralen til Brett er at foreldra må ta betre vare på ungane sine.

LES OGSÅ: Fant ungdomskjæresten på Facebook etter 25 år – nå er de gift

– Eg har erfaring etter mange års arbeid ute på gata og som bydelspoliti i Drammen. Eg har og vore lensmann i ei lita bygd, seier han.

Foreldra må følga opp borna

– Og det eg ser er ofte unge mennsker, under den lovlege alderen, som drikk alkohol. Då har dei mange orsakingar om kvar alkoholen kjem frå. Det er heilt utruleg, held han fram.

– Dei sit der halvberusa, så seier dei til politiet at dei fann flaska der borte. Den busken er det mange som politifolk har høyrd om, seier han.

Difor etterlyser no politiet i Buskerud denne buska.

LES OGSÅ: Etterforsker romfolk-hets på Facebook

Moralen i historia hans, handlar om foreldreansvaret.

– Det er ikkje nødvendigvis dei som pusher alkohol til ungane. Men dei har eit ansvar å følga opp ungane sine, seier han.

Bratt seier at foreldra må sjekka kva ungane gjer på når dei seier dei skal overnatta hjå ein ven eller ei veninna.

– Eigen erfaring tilseier at ungane ofte ikkje er der dei seier dei skal vera. Og når ungane er frå rundt 14 år og oppover, er det ekstremt viktig å følga dei opp, seier han.

– Er norske foreldre for godtruande?

– I mange tilfeller er dei det, ja.

– Har dei gjerne gløymt sjølv korleis det er å vera ung?

– I mange tilfelle ja, seier Bratt.

Han seier at det kan få alvorlege konsekvensar om ikkje foreldra følg opp ungane sine godt nok.

– Konsekvensen kan vera at enkelte gonger tek dei den heilt ut, og prøvesmakar på ting dei ikkje skal. Eller dei kjem i miljø der ein røykar ting ein ikkje skal røyka på, åtvarar han om.

LES OGSÅ: Sjalu mann amok etter at kvinne postet Romney-bilde på Facebook

Bruken av Facebook som arena er heilt bevisst frå politiet si side.

Overvelda over responsen

– Der når me alt frå tolvåringar, til dei som vil verta politi til folk med mange dommar på seg, seier han.

Seint fredag kveld hadde innlegget på politiet i Søndre Buskerud si side fått 360 «likes», 60 delingar og haugevis med kommentarar.

I tillegg har dei fått fleire hundre nye følgjarar.

– Facebook er ein utruleg flott plass å komma i kontakt med folk på. Om me vil ha ned hastigheita på ein veg, seier me ifrå om at me har kontroll der. Då vert hastigheita seinka med ein gong, sidan folk deler saka på Facebook, seier han.

Brett er overvelda over responsen han fekk på fredag.

– Det er flott at folk engasjerar seg, seier han.