– Me høyrde flyet komma, deretter høyrde me ei kraftig turtalsauke. Deretter såg me at flyet trefte fjellveggen, seier Bård Olden til TV 2 Nyhetene.

Prøvde å ropa opp til vraket

Han sat på hytta si og var augevitne til den tragiske ulykka som kravde tre menneskeliv på fredag.

– Me prøvde å ropa opp til vraket, i tilfelle det var nokon på utsida. Men me fekk ikkje noko svar, seier han.

LES OGSÅ: Tre personer funnet omkommet etter småflystyrt i Trøndelag

Olden seier at dei då meldte i frå om ulykka.

Det var klokka 12.30 politiet fekk melding om ulykka.

HER: Det var her flyet trefte og tre personar mista livet. Bård Olden var augevitne til ulykka. (Foto: Ronny Oksvold/TV 2)

– Eit småfly med tre personar om bord har styrta ved Søvatnet i Bjugn kommune i Sør-Trøndelag. Alle tilgjengelige mannskaper frå naudetatene er på veg til ulykkesstaden, sa operasjonsleiar Leif Berglund i Sør-Trøndelag politidistrikt til TV 2 Nyhetene.

Det var tre fly som fauk saman frå Leknes til Værnes. Dei to andre flya landa som planlagt på Værnes utanfor Trondheim.

LES OGSÅ: Person falt utfor skrent i fjellet - full redningsaksjon

Flya er tyske, og tyske myndigheiter er varsla om ulykka.

Stor brannfare

Luftambulansen tok seg inn til ulykkesstaden og lokaliserte vraket klokka 13.08.

– Problemet var at helsepersonellet ikkje kunne ta seg inn i vraket på grunn av brannfaren, seier Per Fjeld ved Hovedredningssentralen i Sør Norge til tv2.no.

Då brannfolk hadde sikra staden var det berre for helsepersonell å stadfesta at det var tre døde personar i vraket.

LES OGSÅ: Utfordrer Facebook i retten om tilgang til Sigrids konto

Flyhavarikommisjonen er rutinemessig varsla og vil komma til ulykkesstaden. I tillegg er politiets eigne krimteknikarar på veg dit.

– Dei omkomne vil truleg verta frakta til St. Olavs hospital i Trondheim, seier Melvold.

flystyrt-sea-king-2 (Foto: Ronny Oksvold/TV 2)