Fleire hundre millionar kinesarar har sett innslaget der magikaren Fu Yandong tilsynelatande dikterer gullfiskar til å symja synkront.

Dyreaktivistar likar ikkje trikset og ber den nasjonale fjernsynskanalen om ikkje å visa det fleire gongar, ifølgje nyheitsbyrået AP.

Dyrevenane trur at det er implantert magnetar i gullfiskane eller at dei er kontrollerte med elektrisitet.

DYREVERNAR KRITISK: Qin Xiaona meiner det er galt av fjernsynskanalen å visa trikset med gullfiskane. (Foto: AP/CCTV)
– Galt

– Me burde stå for ikkje-vald, harmoni og toleranse. Men til mi store overrasking har CCTV, som den offisielle nasjonale fjernsynskanalsen i Kina, med dette annonsert til folket at ja, me kan misbruka dyr som gullfiskar for underhaldning. Eg meiner dette er galt, seier Qin Kiaona, som leiar ein av dyrevelferdsorganisasjonane i Kina, ifølgje AP.

– Lever godt

TRIKSER MED FISKER: Den kinesiske magikaren Fu Yandong forsvarar trikset og seier at fiskane lever godt. (Foto: AP/CCTV)
Magikaren Fu Yangdong forsvarar trikset. På ein twitter-liknande mikroblogg har han sagt at gullfiskane lever godt. Fu sin agent Liang Ming seier at Fu har tenkt å halda fram med å visa trikset. Fiskane blir ikkje misbrukt. Men agenten er samd i dyrevernarane si uro for at andre skal kopiera trikset kan skada fiskar.

Show på kinesisk nyttårsfeiring

LIVE: Publikum hos CCTV såg showet live. (Foto: AP/CCTV)
Det var i samband med den kinesiske nyttårsfeiringa at showet blei vist på CCTV.

Femtitre dyrevernsgrupper og andre organisasjonar har ifølgje AP sendt brev til fjernsynskanalen.

Dyrevenane ber om at trikset ikkje blir vist på ny på torsdag når den kinesiske nyttårsfeiringa vert avslutta.

Vil ikkje avsløra trikset

Tryllekunstnaren har tenkt å halda korta tett til brystet. Ifølgje agenten vil trikset ikkje bli avslørt.