Veggane i lokalet er 1400 meter høge og musikkverket som blei framført var spesialskrive for å lokke huldra ut av fjellet.

Det blei ei heilt spesiell oppleving for fjellturistar i Molladalen på Sunnmøre.

Tonane blei kasta mellom fjella

Komponist Knut Olaf Sunde har skrive eit musikkverk som han insisterer på at kun skal framførast i den spektakulære fjelldalen som er vide kjend for sine taggete fjell.

Fire musikarar frå blant andre Kringkastingsorkesteret og Kongelege Norske Marines Musikkorps drog med seg publikum til tre ulike stadar i dalen der akustikken gjorde at tonane blei kasta mellom fjella.

Opphaldsver

– Nauta spesielt, var kommentaren frå Njål Vikanes som var ein av tilhøyrarane.

Komponist Knut Olaf Sunde var oppteken med barnefødsel heime i Oslo, men musikarane var svært nøgde med konserten som blei halden i opphaldsver og til tider sterk vind.